اشترك
like Sofy on Facebook

!!شهر رمضان …. فرصة لتغيير عاداتك السيئة

0

!شهر رمضان كلنا بنستناه لأنه شهر مميز بحاجات كتير ، من أهم المميزات دي إنه بيكون فرصة نبطل فيه أي عادة سيئة

.العادات السيئة  بتضر حياتك وتمنعك من تحقيق أهدافك ، ممكن تؤدي إلى إنها تضر صحتك سواء عقليا أوجسديا ، وكمان العادات دي بتهدر الوقت والطاقة

إيه اللي بيسبب العادات السيئة؟

…سبب معظم عاداتك السيئة  في الغالب بيكون التوتر والملل 

في أغلب الأحيان ، تكون العادات السيئة مجرد طريقة للتعامل مع التوتر والملل ، زي التدخين ، الأكل بشراهة لأطعمة غير صحية ، شرب القهوة ،وشرب المشروبات الغازية بشكل فيه نوع للإدمان يسبب ضرر لصحة الفرد

في بعض الأحيان بيكون التوتر أوالملل هو نتيجة لوجود مشكلات أعمق ، فبيكون اللجوء للعادات السيئة هو الوسيلة  للتقليل من الضغط والتوتر اللي سببته المشكلة ، ولكن إذا كنت جاد في إنك تغير العادات السيئة دي، لازم تكون صادق مع نفسك

!!إزاي تكسر عادة سيئة

– اختر بديل لعادتك السيئة : أستبدل عادتك بعادة صحية ، لأنه مش من السهل إنك توقف عادة بسهولة بدون وجود عادة بديلة ليها

– تجنب كل محفزات العادة السيئة : سواء كان مكان أو أشخاص ، وده لأن البيئة المحيطة بيك ممكن تكون مساعدة لصعوبة تغييرعادتك السيئة ، خليك متواجد في المكان ووسط الأشخاص اللي يحفزوك علي التغيير

– تصور نفسك تنجح : شجع نفسك بأنك قدام هتقدر تكسر العادة ،وتخيل نفسك وانت مثلا بترمي علبة السجاير أو بتشتري طعام صحي وبترفض اللي كنت فاكره عادة عمرها ما هتتغير وإزاي هتكون فخور بنفسك

أفتكر أن أنت مش بتتغير لشخص جديد لكن بترجع لشخصيتك القديمة : لأن أنت في الأصل مكانتش دي عادتك

:العادات اللي نقدر نبطلها خلال شهر رمضان

 1- التدخين

شهر رمضان هو فرصة كبيرة لمساعدتك على الإقلاع عن التدخين ، لأنك هتقضي أكثر من 16 ساعة في اليوم كل يوم من دون لمس السيجارة… تحدى نفسك

2- الوجبات السريعة

لو أنت دايما بتشتكي من جسمك اللي زاد وزنه و دهون بطنك بسبب تناولك للوجبات السريعة كل يوم في العمل … شهر رمضان هيساعدك توقف عادة الوجبات السريعة ، فأستغل الفرصة عشان تفقد كل الدهون الزائدة

 3- المشروبات الغازية

حافظ على الكلى والعظام ، واستبدل الصودا بعصير يومي خال من السكر ، أوالحليب ، أو أفضل خيار هو شرب الكثير من الماء .. وده هيكون صحي جدا خلال شهر رمضان

4- القهوة

في ناس كتير مش بتعرف تبتدي يومها غير لما تشرب فنجان القهوة ، لكن في شهر رمضان مش هيكون ده متاح لأنك هتصحى صايم ،وده هيخليك تتعود إنك تقوم بعملك وتتعامل مع الأشخاص من غير ماتشرب القهوة وده مفيد لجسمك لأنه هيقلل نسبة الكافيين اللي بتاخدها خلال اليوم

5- نمط الحياة العشوائي

ده الوقت من السنة اللي بيكون فيه يومك منظم بالكامل تقريبا ، وبتتبع روتين يومي جيد ..النوم ، العمل ، الأكل ، أخذ القيلولة..وهيكون كل حاجة في وقت محدد ، وده كويس لصحتك (جسديا وذهنيا)

!قدامك شهر كامل عشان تغير العادات اللي نفسك تغيرها….حاول تستغل الفرصة 

Share.

Comments are closed.