اشترك
like Sofy on Facebook

شم النسيم فرصة للتمتع بالشمس وفوايدها

0

يوم شم النسيم هو بتكتر فيه الفسح والخروجات، وبعد برد الشتاء بيدفى الجو وبتكون القاعدة في الشمس ممتعة، ومش بس كدة بتكون مفيدة جدا لصحتك. اعرف تفاصيل اكتر لما تقرا معانا الموضوع ده.

آشعة الشمس ليها فوايد كبيرة للجسم، ومش بتحتاج منك أي معاناه في الحصول عليها ومن ضمن فوايد الجلوس في الشمس:

  1. مد الجسم بفيتامين “د” :

فيتامين “د” مهم جدا لصحة العظام، كمان بيساعد في الوقاية من نزلات البرد والأكتئاب. جسمك بيحتاح حوالي 600 وحدة دولية من فيتامين “د”

إزاي نقدر نحصل على فيتامين “د” لو في صعوبة في التعرض للشمس؟

نقدر نحصل على فيتامين “د” بأكتر من طريقة :

  • الأسماك الدسمة : زي التونا والماكريل والسلامون
  • صفار البيض : لكن متكترش في تناول البيض عشان الكوليسترول
  • الكبدة : مش بس بتحتوي على فيتامين “د” لكن كمان فيتامين”أ “، الحديد والبروتين
  • اللبن : كمان هيمدك بالكالسيوم اللي بيقوي العظام
  1. علاج بعض الأمراض الجلدية :

بعض حالات الأصابة الجلدية بتكون في احتياج لضوء الشمس كعلاج ليها زي الإكزيما والصدفية وحب الشباب لكن لازم تحت إشراف الطبيب

  1. بيساعد في تحسين الحالة المزاجية :

بسبب زيادة مستوى هرمون السريتونين في الجسم وده بيساعد في تحسين الحالة المزاجية والقدرة على التركيز

Share.

Comments are closed.