اشترك
like Sofy on Facebook

شم النسيم بالألوان الطبيعية

0

الكل بيستنى شم النسيم عشان يخرج ويلعب ويتبسط، وطبعا أهم حاجة البيض الملون اللي كلنا بنحبه على الفطار. إعرف معانا إزاي تلون البيض بالألوان الطبيعية عشان تحافظ على صحتك وصحة أطفالك.

أولا : إعرف خطوات تلوين البيض :

  1. حط البيض صف واحد في وعاء، وغطيه بالمية بالكامل
  2. حط ملعقة من الخل
  3. زود اللون الطبيعي اللي تحبه
  4. بعد ما المية تغلي، قلل النار وسيبها 15 دقيقة
  5. لو وصلت للون المطلوب، شيل البيض من المية
  6. إستخدم فرشة فيها زيت لتلميع اللون لأن الألوان الطبيعية بتكون مطفية

إزاي تقدر تطنع الوان طبيعية للبيض ؟

لكل لون محتاجه، إستخدم الحاجات الطبيعية دي :

  1. اللون الموف: عصير العنب أو الورد البنفسجي مغلي مع عصير الليمون
  2. اللون الأزرق : مية ورق الكرنب الأحمر المسلوق
  3. الأخضر : مية السبانخ المسلوقة
  4. أخضر فاتح : مية التفاح الأصفر المسلوق
  5. الأصفر : مية قشر البرتقال مع قشر الليمون
  6. اللون البني : قهوة مع الشاي الأحمر
  7. البينك : مية البنجر المخلل
  8. الأحمر : قشر البصل الأحمر مغلي مع التوت ، أو عصير الرمان

تعرفي إنك لما بتقدمي بيض لطفلك بيحصل على كتير من المغذيات زي :

  1. الأحماض الأمينية اللي بتكون البروتين
  2. فيتامين “أ” الهام للعيون والعظام والأسنان
  3. فيتامين “د” الهام للعظام والأسنان
  4. الكولين اللي بيحفز نشاط خلايا المخ
  5. السيلينيوم الي بيحفز عمل الغدة الدرقية

ومع كل الفايدة دي، مش بيفضل إنك تقدميه لطفلك كل يوم، لأنه بيحتوي على نسبة من الكوليسترول و الدهون المشبعة، فحاولي تكوني معتدلة في إعطاء أي طعام لطفلك بشكل عام.

كمان من الحسن إنك تضيفي بعض الخضروات مثلا او أي نوع من منتجات الألبان عشان تعلي القيمة الغذائية، كمان تغيري من الطعم.

Share.

Comments are closed.