اشترك
Buy Neuth France products

سنة جديدة بصحة أفضل

0

السنة الجديدة قربت ، وأنت تعرف ده معناه إيه – حان وقت التغير !! بنشجعكم السنة دي على وضع أهداف تركز على صحتك البدنية و العقلية والنفسية. تذكر ، كونك أفضل صحة نفسيا وعقليا وبدنيا ،ده يساعدك في تحقيق باقي أهداف حياتك

…أتعرف معانا على نصائح بسيطة لصحة بدنية وعقلية ونفسية أفضل

تناول غذاء حقيقي! وده معناه تناول الأطعمة في حالتها الطبيعية مش مطبوخة . لأن الخضروات والفاكهة الطازة غنية بمضادات الأكسدة والمغذيات النباتية والفيتامينات والمعادن وده كل اللي بنحتاجه في الأساس لدعم الجسم السليم والعقل السليم . حاول يكون طبقك بيحتوي على 80٪ من الخضراوات الطازجة أو المسلوقة

اشرب ماء! لازم نشرب 8 أكواب من الماء في اليوم. لأن جسمنا بيتكون من حوالي 60 ٪ من الماء. شرب ما يكفي من الماء بيحافظ على توازن السوائل ، ويطرد السموم وبيساعد في نقل المغذيات ، وبينظم درجة حرارة الجسم ويساعد على هضم الطعام. أما الجفاف بيخفض مستويات الطاقة ووظائف المخ

حرك جسمك! ممارسة الرياضة هي واحدة من أكتر الطرق فعالية للحد من الاكتئاب أو القلق ، وتحسين الصحة الجنسية .مش لازم تكون تمارين معينة – أي نوع من الحركة حتى لو كان مشى ده بيساعد في تحسين صحتك البدنية والعقلية وكمان النفسية

أطلب المساعدة! بعض الأفراد بيعانوا من الخوف من طلب المساعدة من الآخرين ،حتى لما بيكونوا في أشد الحاجة إليها لو كنت حاسس بالضيق ، تواصل مع صديق أو أحد أفراد العائلة أو مختص. لازم تعرف أنك مش لوحدك . وخلى حواليك الناس اللي بتدعمك

لا تتجاهل عواطفك! التظاهر بأنك قوي وإن مفيش موقف بيأثر فيك ده بيأثر جدا بشكل سلبي على صحتك بشكل عام . عشان كده لا تتجاهل مشاعرك لو حاسس بالحزن أو القلق أو الغضب أو الاكتئاب؛ بدلاً من التجاهل، حاول الوصول لسبب المشكلة. اسأل نفسك ، “ايه اللي بيضايقني؟ ممكن أعمل حاجة تساعدني؟! في شخص ممكن يساعدني؟ »حتى لو مقدرتش تسيطر على الوضع ، ممكن تتحكم في كيفية التعامل معاه. لكن كبت وتجاهل  انفعالاتك مش هيأدي غير لتفاقم الوضع

افعل ما تحب لمدة 30 دقيقة كل يوم! سواء كانت القراءة أو المشي أو تسمع أغاني أو موسيقى بتحبها أو تتأمل أو اللعب مع الأطفال . لما تخصص وقت كل يوم لنشاط بتحبه ده هيحسن حالتك المزاجية وهيوفرلك فرصة للمتعة أو الاسترخاء

احصل على فترة نوم كافية ! لأن قلة النوم بتأثر على جهازك العصبي وبالتالي مش بتقدر تمارس مهامك الطبيعية خلال اليوم بتركيز أو هدوء أو حتى أستمتاع ،وعدد ساعات النوم الطبيعي ما بين 6 ل 8 ساعات

توقف عن لوم نفسك! هل ارتكبت خطأ في مرة وفضل عقلك يفتكره كل فترة وتلوم نفسك عليه ؟ هل بتقارن نفسك باستمرار مع الآخرين؟ !…ابعد كل التفكير السلبي في الماضي. اعرف أنه مفيش شخص مثالي: لا الشخص اللي بينجز  عمله في نص الوقت ، ولا الأم اللي بتشتغل وما زالت قادرة على الأهتمام بأطفالها ، ولا حتى مشاهيرك المفضلين ،لأن ببساطة مفيش شخص كامل ،وكلنا بنعاني من عيوب وبنتعرض للفشل ؛ تقبل أن الفشل جزء من الحياة واستخدم أخطائك كفرص للتحسين من نفسك

…سنة جديدة هتكون مختلقة وأفضل بعمل تغيير في نظام حياتك وطريقة تفكيرك

كل سنة وأنتوا طيبين

Share.

Comments are closed.