اشترك
like Sofy on Facebook

سرطان الرئة ! أسبابه وأعراضه وطرق علاجه

0

تعرف إن سرطان الرئة هو أكتر أنواع السرطان انتشارا في العالم ، وهو المسؤول عن وفاة واحدة من بين كل 5 وفيات بالسرطان .

في الوقت اللي بتنخفض فيه معدلات إصابة الرجال بسرطان الرئة ، فإنها ترتفع بشكل كبير في النساء .

إيه أسباب الإصابة بيه ؟

أول سبب بييجي في بالنا لإصابة الأشخاص بسرطان الرئة هو التدخين وده فعلا حقيقي لأنه السبب رقم 1 لسرطان الرئة ،لكنه مش السبب الوحيد ،لأن أي شخص ممكن يصاب بيه لو أتعرض للسموم اللي موجودة في الجو ، وكمان للي بيتعرضوا لدخان السجائر بطريقة غير مباشرة ،وبعض الأمراض زي السل والإنسداد الرئوي المزمن من العوامل الخطيرة المسببة لسرطان الرئة .

إزاي نكتشفه ؟

كما هو الحال مع كل أنواع السرطان، أفضل نتيجة لعلاج سرطان الرئة بتكون في وقت مبكر. ولكن مشكلة سرطان الرئة إن بداية الإصابة بيه مش مرتبطة دايما بأعراض ملحوظة. وفي الغالب بيتم اكتشافه من خلال الأشعة أو من الاختبارات لالتهابات الجهاز التنفسي، زي الالتهاب الرئوي .

من الأعراض اللي ممكن نستنتج بيها إحتمالية وجود سرطان الرئة :

– الكحة المستمرة

– ضيق التنفس

– سعال الدم

– الام في الصدر، الكتف، أو الظهر

– بحة في الصوت

– التهابات الرئة المتكررة (مثل الالتهاب الرئوي أو التهاب الشعب الهوائية)

– صعوبة البلع

عندما يصل سرطان الرئة لمرحلة متأخرة ويبدأ في الإنتشار ممكن تظهر أعراض إضافية قبل تشخيصه زي  :

– فقدان الوزن  من غير سبب

– ضعف

– إعياء

– آلام العظام أو المفاصل

– عظام مكسورة غير مفسرة

– الصداع

– جلطات دموية غير متوقعة أو نزيف

– فقدان الذاكرة

– تورم في الرقبة أو الوجه

لازم تروح لدكتور لو كان عندك بعض الأعراض دي ، خاصة لو كنت مدخن .

إزاي بيتعالج !

معدل الشفاء من سرطان الرئة بيكون أكتر من 50٪ لما بيتم إكتشافه في مرحلة مبكرة ،ويكون في منطقة واحدة من الرئة. التشخيص المبكر والعلاج مع الجراحة أو الإشعاع ممكن يؤدي للشفاء في كثير من المرضى اللي بيعانوا من سرطان الرئة .

علاج سرطان الرئة بيتوقف نوعه على حسب مرحلته ،لأن سرطان الرئة ليه 4 مراحل :

– في المرحلة الأولى والتانية  بيكون لسة الورم في بدايته ومش منتشر في الجسم  فبيكون نسبة نجاح العلاج في تحقيق الشفا كبيرة ،وبيكون العلاج جزء فيه جراحي وجزء بالكيماوي علشان يقضى على باقي الخلايا السرطانية .

في المرحلة الثالثة والرابعة بيبدأ للأسف الورم ينتشر في الجسم ، في الأول للغدد الليمفاوية وبعدين ينتشر في باقي الجسم ،وفي المراحل دي بيكون العلاج هدفه تخفيف الألم وتقليل انتشار الورم  وده من خلال العلاج الإشعاعي أوالكيماوي .

العلاج الموجه :

في نوع جديد ظهر لعلاج أنواع السرطان المختلفة في الجسم ومن ضمنهم سرطان الرئة ،وهو معروف بأسم العلاج الموجه  ،والعلاج ده بياخد فيه المريض أدوية معينة بيها مواد بتمنع نمو وإنتشار الورم لأنه بيتداخل مع  بعض الجزيئات  اللي بتشارك في نمو وانتشار الورم .

والعلاج الموجه ليه مميزات عن العلاج  الكيماوي ،وده لأنه بيستهدف جزيئات معينة مرتبطة بمرض السرطان ،على عكس العلاج الكيماوي اللي بيستهدف أي خلايا سريعة الأنقسام .

مش كل علاج بيناسب كل حالة ،فالطبيب هو اللي بيحدد طريقة العلاج على حسب مرحلة المرض وعلى حسب مدى إستجابة المريض لنوع العلاج .

Share.

Comments are closed.