اشترك
Buy Neuth France products

ساعد طفلك على التخلص من نزلات البرد

0

فى فترة الشتاء بتنتشر الاصابة بنزلات البرد والانفلونزا و خصوصا عند الأطفال بسبب ضعف أجسامهم واختلاطهم بأطفال كتير فى المدرسة وعدم وعيهم بفوايد ممارسة العادات الصحية ، و عند اصابة الطفل بأعراض الأنفلونزا بيخاف الوالدين جدا و أول حاجة بيفكروا فيها هى انهم يدوا الطفل أدوية كتير سواء لخفض الحرارة أو لتخفيف أثار نزلة البرد على الطفل زى الكحة و الزكام اللى بيضايق الأطفال جدا و بيخليهم مش عارفين يناموا ، قبل ما تفكروا فى الأدوية جربوا معانا الطرق الجاية عشان تريحوا أطفالكم من نزلات البرد و الانفلونزا

  • اديله فرصة يرتاح وقت طويل :

محاربة العدوى بتتطلب جهد من الجهاز المناعى للطفل وبالتالى تهيئة جو مناسب للطفل علشان يرتاح بيساعده فى التخلص من العدوى وعشان تساعدوا طفلكم انه يرتاح ممكن تنيموه على السرير وتحكوله قصص مسلية أو تخلوه يتفرج على فيلم كارتون لحد ما ينعس

  • اهتم بترطيب الجو المحيط بطفلك :

استنشاق الهواء الرطب بيساعد على خروج المخاط من الممرات الأنفية وعشان تقدر توفر جو رطب لطفلك ممكن تستخدم جهاز مرطب للجو أو تعمل لطفلك حمام بخار لطيف ، لكن خلى بالك فى وقت الحمام متقفلش الدش وحافظ على البخار الموجود فى الحمام لحد ما طفلك يلبس كل هدومه

  • استخدم قطرة محلول الملح و شفاط الأنف لتنظيف أنف الطفل :

قطرات الأنف بتساعد على تنظيف أنف الأطفال الصغار والرضع ، كمان ممكن تستخدم شفاط الأنف فى حالة عدم قدرة الطفل على إخراج المخاط من أنفه

  • عوض طفلك بالسوائل :

شرب السوائل بيمنع الجفاف و الشعور بالتوهج و بتخفف من افرازات الأنف ، لكن لو كان الطفل فى فترة الرضاعة اهتمى متديلوش سوايل غير لبن الأم فقط

  • اهتم بأكل طفلك :

ابعد عن الدهون و السكريات فى الفترة دى و خلى وجبات طفلك تكون عبارة عن شوربة خضروات أو فراخ مع صدر فرخة مسلوقة وابعد تماما عن مكعبات المرق الصناعية و استبدلها بمنكهات طبيعية زى القرنفل والبصل والثوم و ورق اللورى

  • العسل ( ممنوع استخدامه للأطفال أقل من عمر سنة ) :

العسل وصفة فعالة لتخفيف ألام الحلق والكحة ، قم بتسخين ربع كوب من العسل الأسود فى حمام ماء و خلى طفلك يشربه و هيحس براحة فورية من الكحة وألام الحلق و ممكن تعطى الطفل ملعقة من عسل النحل بعد تدفئتها فى حمام ماء أو فى الميكروويف

  • المضمضة بمحلول الماء و الملح ( ممنوع استخدامه للأطفال أقل من عمر 4 سنوات ) :

المضمضة بمحلول الماء و الملح ثبت انها طريقة فعالة فى تخفيف ألام الحلق لأنه بيساعد على تنظيف الحلق من المخاط المسبب للألم ، استخدم لطفلك كوب من محلول دافئ من الماء و الملح

  • مشروب الشاى و الزنجبيل :

اغلى كوب من الماء و ضعه على ملعقة من الزنجبيل و القرفة والقرنفل وقلب كويس وممكن تضيفله فى الاخر نصف ليمونة

Share.

Comments are closed.