اشترك
like Sofy on Facebook

زي الأول وأحسن

0

في صعوبات ومشكلات كتيرة هتقابلك بعد الولادة، لو عايزة تعرفي إزاي تتغلبي عليها إقري الموضوع ده.

من اهم الحاجات الجديدة اللي بتواجهيها بعد الولادة هي عملية الرضاعة :

بعد الولادة بيرجع جسمك لحالته الطبيعية، وبيحفز مص طفلك وهرمونان هما البرولاكتين والأوكسيتوسين إنتاج اللبن. ومع الأستمرار في الرضاعة الطبيعية، بيرسل جسمك إشارات للمخ لأنتاج الهرمونات اللي بتساعد على إنتاج اللبن بصورة مستمرة

في مشكلات رئيسية بتواجهك بعد الولادة زي :

  • علامات التمدد : على البطن والفخذين والمؤخرة والثديين، وده بسبب تمدد بشرتك للتوافق مع نمو طفلك
  • ترهل عضلات البطن
  • إنتفاخ وتورم القدمين : بسبب وجود السوائل المحتبسة داخل الجسم

بس المشكلات دي ليها حل :

  • بالنسبة لعلامات التمدد : مع مرور الوقت هتختفي علامات التمدد، وممكن الطبيب ينصحك بإستخدام كريمات بتحتوي على فيتامين “أ”
  • عضلات البطن :

بيعتمد رجوع البطن لمظهرها الطبيعي على 3 حاجات :

  1. مظهر بطنك أثناء الحمل
  2. الوزن اللي إكتسبتيه
  3. مدى نشاطك وحركتك

بيفضل ممارسة تمارين البطن وتمارين قاع الحوض تحت إشراف الطبيب بعد 40 يوم على الأقل من الولادة ، والرضاعة الطبيعية بتعمل على إنقاص الوزن بشكل كبير

  • أما مشكلة تورم القدمين : هيقوم جسمك بالتخلص من السوائل دي في صورة التعرق أو التبول، لكن خلى بالك إن جسمك محتاج لسوائل كتير خصوصا أثناء الرضاعة فمتمتنعيش عن شرب الماء والسوائل

إيه هو سبب إنقباضات الرحم المتكررة ؟

الرحم بيكبر عن حجمه حوالي 25 مرة والإنقباضات دي ضرورية عشان يرجع الرحم لحجمه الطبيعي

إمتى هتنتظم الدورة الشهرية ؟

في حالة الرضاعة الطبيعية، ممكن أنتظامك في الرضاعة يأخر الدورة الشهرية لمدة تصل لعام.

أما في حالة الرضاعة الصناعية، فقد تعود الدورة في مدة تتراوح بين شهرين لثلاثة أشهر، وفي بعض الأحيان بعد شهر واحد فقط

انشرها

التعليقات مغلقه