اشترك
Buy Neuth France products

ريح نفسك شويه

0

الأجهاد و الضغط جزء أساسى وطبيعى فى حياتنا العملية ,مواقف كتير فى حياتنا سواء فى الشغل أو البيت أو ناتجة عن تصرفاتنا الشخصية بتسبب لنا كتير من الضغط و التوتر.

الأجهاد والتوتر هما رد فعل الجسم تجاه التغييرات و المواقف المختلفة و بتختلف من شخص للتانى فممكن يكون جسدى أو عقلى أو عاطفى,اتعرف أكتر عن تأثيره على الصحة و ازاى ممكن تتغلب عليه.

 

  • الأجهاد و صحة جسمك:
  • بيختلف تأثير الأجهاد و المسئوليات ما بين شخص و الثانى على حسب الطريقة ورد الفعل اللى بيتعامل بيه مع الموقف  فمثلا ممكن يكون ايجابى لأنه بيخليك مستعد دائما لمواجهة أى ظرف أو موقف وبرده ممكن أن يكون ليه تأثير سلبى لما الشخص  بيتعامل معاه من غير راحة أو ترفيه فبيتسبب فى التوتر و التعب المستمر.
  • الأجهاد المستمر بدون راحة بيتسبب فى التعب الشديد وبيظهر فى كتير من الأعراض الجسدية  زى الصداع و أضطرابات المعدة و أرتفاع ضغط الدم وآلام فى الصدر و مشاكل فى النوم .
  • بتزيد الآثار الضارة للأجهاد بصورة كبيرة مع أستخدام الكحول و التبغ أو المخدرات اللى ممكن الشخص يفتكر أنها هتساعده فى التخلص من القلق و الأجهاد لكن مع الأسف النتيجة بتكون عكسية وبتكون أسواء.

 

  • الأجهاد و القلق بيلعبوا دور البطولة فى كتير من المشاكل الصحية :
  1. 43% من البالغين بيعانوا من مشاكل صحية بسبب الأجهاد الزيادة والقلق.
  1. من75-90% من المترددين على الأطباء بسبب أمراض أو شكاوى ليها علاقة بالأجهاد.
  1. الأجهاد ليه دور فى الأصابة بأمراض كتير زى ضغط الدم المرتفع و أمراض القلب و السكر و الأمراض الجلدية والربو والتهاب المفاصل و الأكتئاب والقلق.
  1. الأجهاد على المدى البعيد حتى لو مالوش آثار جسدية بيكون سبب فى زيادة معدل الأضطراب العاطفى.

 

  • علشان نقدر نتغلب على المشاكل و الضغوطات اللى بتواجهنا بأستمرار خلينا نتابع ازاى ممكن نتغلب على الأجهاد ونقلل منه 
  1. الجلوس فى وضعية مريحة و أختار الكرسى الأنسب لراحة جسمك بحيث أن ظهرك يكون فى وضع مستتقيم و رجلك تكون مستقيمة.
  1. ضع يديك برقة على بطنك فى المنطقة تحت القفص الصدرى.
  1. ابدأ فى التنفس , وسع بطنك وابدأ التنفس عن طريق الأنف .
  1. ماتكتمش نفسك و أفتح فمك بشكل صغير وببطء ابدأ فى سحب النفس للخارج عن طريق الفم.
  1. كرر النشاط ده لعدة دقائق و حاول أنك ماتفكرش فى أى حاجة تانية أو مشكلة حتى ولو بدأت الأفكار تظهر فى عقلك ما تستجيبش و سيبهم يذهبوا.
  1. حاول أنك تكرر النشاط ده عدة مرات كل يوم بحيث أن كل مرة تكون من 5-10 دقائق لغاية ما تشعر بالهدوء وتتخلص من الأجهاد و التوتر.

Share.

Comments are closed.