اشترك
like Sofy on Facebook

دليل مرضى الربو لحياة صحية

0

الكل عارف إن الربو ملوش علاج، لكن في طرق كتيرة واحتياطات فعالة في إبعاد الأعراض قدر المستطاع. اعرف معانا اكتر لما تقرا الموضوع ده.

الربو هو أضراب يتداخل مع التنفس وممكن يسبب الصفير وضيق التنفس  وسبب وجود الربو هو التهاب مزمن في الأنابيب اللي بتحمل الهواء للرئتين مه زيادة إفراز الخلايا المخاطية فبيحصل ضيق شديد في التنفس بسبب قلة الأكسجين  واعراض نوبة الربو هي :

  • الصفير
  • السعال
  • ضيق في التنفس
  • ضيق في الصدر
  • في الحالات الشديدة، ممكن أن نوبة الربو غير المعالجة تكون مهددة للحياة

وفي اعراض مبكرة تساعدك على اكتشاف المرض أو إمكانية حدوث النوبة  زي :

  • السعال المتكرر خصوصا في الليل
  • عدم القدرة على النوم
  • الشعور الدائم بالإرهاق
  • وجود صعوبة في التنفس

امتى لازم تطلب الأسعاف للشخص المصاب بالربو ؟

  • عدم القدرة على الكلام أو المشي
  • الأصابع والشفاه مالوا للون الأزرق
  • جهاز الاستنشاق مش بيقدم اي تحسن في عملية التنفس

إيه هي اكتر فئة عمرية معرضة للإصابة بالربو ؟

مرحلة الطفولة هي المرحلة اللي بيظهر ويتطور فيها الربو، لكن أي شخص معرض للإصابة بالربو في أي فئة عمرية خصوصا لو في عامل وراثي . كمان بينتشر الربو بين الذكور في سن الطفولة والإناث في مرحلة البلوغ.

إيه هي مسببات أزمات الربو ؟

  1. مسببات الحساسية زي العفن، عث الغبار، الصراصير، حبوب اللقاح من الأشجار أو الزهور، الأطعمة زي الفول السوداني والبيض والسمك
  2. السمنة
  3. التدخين
  4. التعرض للأبخرة والمواد الكيميائية

وللحد من الأزمات لازم اولا تبعد قدر الإمكان عن المسببات، وفي حقن الحساسية يتم أخذها تحت إشراف الطبيب وطبعا أدوية الأستنشاق اللي بتحتوي على الكورتيزون للحد من التهاب الشعب الهوائية فبتكون أقل تأثر لمهيجات الحساسية.

Share.

Comments are closed.