اشترك
Buy Neuth France products

دفى نفسك من المطبخ

0

بمجرد مابيدخل الشتا وبيبدأ الاحساس بالبرد خصوصا بالليل ومع كتر وقت القعدة في البيت بيبدأ التفكير الكتير في الاكل وبالتالي بتحصل زيادة في الوزن وللاسف مش بنحس اوي بزيادة الوزن في الشتا بسبب لبس الملابس الواسعة الغامقة لكن بمجرد مايبدأ الصيف ولبس الملابس الفاتحة بنبدأ نلاحظ الزيادة في وزننا. بس من النهاردة مش هتحسو بالمشكلة دي علشان احنا هنساعدكم تتعرفو علي اكلات ومشروبات صحية وتحسسكم بالدفا والشبع في الشتا من غير ماتضطرو تاكلو كتير .

افضل الاكلات والمشروبات لفترة الشتا:

-العدس:
بيدي شعور بالدفئ غير انه بيساعد في الاحساس بالشبع لمدة طويلة ومش بتحتاج بعده انك تاكل كتير علشان تشبع.

-البصل:
بينشط الدورة الدموية وبيعتبر علاج فعال جدا لنزلات البرد.

-الحمص:
بيدي احساس بالشبع لمدة طويلة وبيساعد في انقاص الوزن.

-اللوز:
بيدي احساس بالطاقة والدفا ،غير انه بيقلل من احتمالات الاصابة بالانيميا وامراض القلب.

-القرفة:
بتساعد في تنشيط الدورة الدموية وبتعالج برودة الاطراف وكمان بتسهل حرق الدهون وبتحمي من زيادة الوزن في الشتا.

-الزنجبيل:
بيخليك تشعر بالدفا غير انه بينشط الدورة الدموية.

-الشوربة بأنواعها:
زي شوربة العدس وشوربة الخضار وشوربة الفراخ بتدي احساس بالدفئ بالاضافة لكده كمان المواظبة عليها بتسهل علاج نزلات البرد
-الحلبة:
بتساعد في التخلص من نزلات البرد وكمان بتدي احساس بالدفا.

-زيت جوز الهند:
بيدي احساس بالدفا لو تمت اضافته للاكل وبيحمي من الشعور بالبرد.

-مشروب السحلب:
بينشط الدورة الدموية وبيمد الجسم بكل العناصر الغذائية اللي محتاجها وبيريح من الشعور بالبرد.

-العسل:
ممكن تستبدلو معلقة السكر علي المشروبات بمعلقة عسل لانها مش بتسبب زيادة الوزن غير انها بتمد الجسم بالطاقة اللي محتاجها وبتنشط الدورة الدموية.

Share.

Comments are closed.