اشترك
like Sofy on Facebook

!!خلي بالك وأنت بتخس

0

معظم الناس اللي بتتبع نظام غذائي معين عشان تفقد وزنها بتعاني من مشكلة….وهي إن بعد وقت من الألتزام وبداية فقدان الجسم لبعض الوزن تبتدي تغير نظامها الغذائي لأنها حست بالملل من أتباع النظام أو نفسها تاكل حاجة محرومة منها نتيجة أتباعها للنظام الغذائي الشديد عشان تفقد من وزنها

فجسمك يبتدي يزيد تاني بعد ما تكون خسيت شوية ، وبعدها تحاول تبدأ تاني تلتزم باالنظام الغذائي الصحي عشان تفقد من وزنك تاني ….. التغيير في الأكل وزيادة وزنك وفقدانه بشكل متكرر هيضر جسمك وصحتك جدا على المدى الطويل

من المشاكل اللي بتحصل لصحتك

 مزيد من الدهون قليل من العضلات

لما جسمك يفقد كيلو من وزنك  ، مش بيفقد دهون بس لكن بيفقد عضلات كمان .ولكن لما وزنك بيزيد بيزيد دهون بس من غير عضلات في البداية ،وبتفضل شهيتك لفترة مفتوحة لغاية لما جسمك يكون العضلات وبالتالي هتزيد الدهون في جسمك كمان ، ومع تكرار فقدان وزيادة وزنك، جسمك هيزيد دهون بس من غير ما يكون اي عضلات

 هرمون الإجهاد والدهون

مش سهل إنك تخس ، لأن فقدان و زيادة وزنك بشكل متكرر ده بيأثرعلى ماده بيفرزها المخ أسمها “الكورتيزول” أو “هرمون الأجهاد” .وهو بيساعد في استعمال الجسم للدهون والنشويات والبروتينات والكربوهيدرات،وبينظم ضغط الدم ووظائف القلب الوعائية،وبيساعد على التحكّم بمستوى السكر في الدم.ولما مش بتنظم كمية السعرات الحرارية والدهون  في جسمك ، بيسبب أرتفاع نسبة “الكورتيزول” وبالتالي جسمك هيكون محتاج كمية أكبر من الدهون علشان تتفادى الأصابة بمرض السكري وأمراض القلب والسكتة الدماغية

الأصابة بحصوات المرارة

زيادة الوزن بتسبب حصوات في المرارة ،وبالتالي تبتدي تحاول تلتزم بنظام غذائي علشان تخس ، ولكن لو خسيت وبعدها وزنك زاد وتكرر الأمر أكتر من مرة ، هيزود إحتمالية إصابة المرارة

 فوضى مع البكتيريا المعوية

أمعائك بتحتوي على أنواع من البكتريا ،وهي مهمة جدا في عملية هضم الطعام . وعدم ثبات جسمك على نظام غذائي للتخسيس وعدم ثبات جسمك على وزن معين هيسبب زيادة في عدد البكتريا ،اللي ممكن تسبب مشاكل كتير لصحتك تبدأ بالأكتئاب لغاية أمراض القلب

جوعك غير مسيطر عليه

الخلايا الدهنية في الجسم بتقوم بإنتاج هرمون ال”ليبتين” اللي بيبعت اشارات للمخ إن في كمية مخزونة من الدهون في الجسم .ومع خسارة الوزن،بيقل مستوى الليبتين في الجسم بسبب خسارة الخلايا الدهنية وده اللي بيخليك تشعر بالجوع .كمان الجسم بيقلل من معدل الحرق عشان يحافظ على الطاقة القليلة الموجودة حاليا في الجسم. ولما الوزن يفضل يزيد ويقل ويسبب عدم الانتظام في النظام الغذائي، معدل الحرق مش بيتأثر وبالتالي هيفضل اقل وده معناه زيادة أكبر في الوزن

!!طب إزاي تتفادى المشاكل دي 

التنوع هو صديقك

لما تقوم في نظامك الغذائي بألغاء الدهون وبعدها  تلغي الكربوهيدرات،وبعدها تزود في البروتينات، كل ده بيأثر بشكل سلبي على صحتك وهيسبب ليك أمراض على المدى البعيد ، لأن جسمك محتاج تشكيلة صحية تشمل كل المكونات الغذائية بالنسب اللي تفيد الجسم  ،لأن جسمك محتاج لكل العناصر الغذائية علشان يكون في صحة جيدة ومتوازنة

غير طريقة تفكيرك

حط هدف إنك تلتزم بنظام غذائي صحي في حياتك عامة مع ممارسة بعض التمارين ، وبالتالي تكون شخص صحى وصحتك جيدة ، أفضل من أنك تلزم نفسك بوقت معين عشان تخس كام كيلو

احصل على دعم

قوة الإرادة أساسية ،لكن المتابعة مع خبير تغذية ووجود أشخاص محيطين بيك من الأهل أو الأصحاب بيتبعوا نفس نظام غذائك أو على الأقل بيشجعوك على تنفيذه ،هيساعدك كتير إنك تستمر في الألتزام بالنظام وبالتالي هيتحول لأسلوب حياه وتلاقي نتائج جيدة في تحقيق وزن مثالي وصحة جيدة

Share.

Comments are closed.