اشترك
Buy Neuth France products

خلي بالك من 8 اخطاء جمالية بتلفت نظر الرجل

0

المرأة هي ملكة الاناقة والجمال ,والظهور بمظهر انيق من الامور اللي بتهم معظم البنات والسيدات خصوصا اللي حياتهم فيها خروج و تعامل كتير مع الناس,وزي مابعض الرجال بيرتكبوا اخطاء في العناية بمظهرهم وبتنفر النساء زي الحذاء اللي مش نضيف والقميص المكرمش برضه في بعض الاخطاء اللي بترتكبها النساء في العناية بمظهرهم وبتلفت نظر الرجال وبينفروا منها.

 1-رائحة العطر القوية:
من اكتر الحاجات اللي بتلفت نظر الرجل وبتضايقه في مظهرك هي رائحة العطر القوية زيادة عن اللزوم لانها ممكن تسببله الاحساس بالصداع والحساسية,علشان كده بلاش تبالغي في رش العطور علي جسمك بقوة وكفاية انك تحطي منه رشتين او تلاتة بالكتير.

2-كريم الاساس المبالغ فيه:
انك تحطي كريم اساس تقيل ده بيخليكي تباني مصطنعة ودي من اكتر الاخطاء التجميلية اللي بتضايق الرجل لانه بيحب انه يشوفك طبيعية مش مصطنعة،الهدف من استعمال كريم الاساس هو انه يداري عيوب البشرة زي اثار الحبوب والندبات ويظهر البشرة مشرقة ونضرة اكتر لكن المبالغة في كريم الاساس حاجة مش محببة.

3-ألوان المكياج الصارخة:

ألوان المكياج القوية سواء في العيون او الشفايف بتفقدك برائتك وجمالك الطبيعي حتي لو كانت علي الموضة وبتنفر الرجل جدا،المكياج المفروض انه للتجميل مش للتشويه علشان كده دوري علي الالوان اللي تخلي مظهرك مشرق وفي نفس الوقت متفقدكيش برائتك وعفويتك .

4-ظهور احمر الشفايف علي اسنانك:
من اكتر الاخطاء التجميلية اللي بتبان وبتلفت نظر الرجل هي احمر الشفايف اللي بيظهر علي الاسنان ,ركزي بعد ماتحطي احمر الشفايف انك تمسحي اي اثر له علي سنانك ومن وقت للتاني تبصي علي اسنانك خصوصا بعد الاكل وتنضفيها من اثر احمر الشفايف.

5-الجلد الجاف والمتشقق:

المظهر المتشقق للجلد سواء في الوش او الشفايف او الايدين من اكتر الحاجات اللي بتلفت نظر الرجل علشان كده خلي معاكي دايما في شنطتك كريم مرطب تستعمليه من وقت للتاني وماتنسيش تستعملي زبدة الكاكاو لترطيب شفايفك باستمرار وخليكي دايما حريصة علي ترطيب جلدك بإنك تشربي كميات كافية من المية وتاكلي الاكلات الغنية بالالياف.

6-الاسنان الصفرا:
 مهما كان لبسك شيك ومكياجك متناسق ولايق عليكي لكن من اهم الحاجات اللي بتهم الرجل في مظهرك هي ابتسامتك المشرقة والاسنان البيضا المتناسقة ،احرصي دايما علي غسيل سنانك مرتين في اليوم واتجنبي الاكلات والمشروبات اللي بتسبب اصفرار الاسنان.

7-تسريحات الشعر المتكلفة:
الرجل بيحب تسريحات الشعر البسيطة المريحة اللي بتبين الشعر صحي ومموج لكن التسريحات المتكلفة والمبالغ فيها بتزعج العين  وبتنفر الرجل جدا غير انها بتجهد الشعر.

8-المانيكير المقشر:
مظهر المانيكير المقشر من اكتر الحاجات اللي بتسئ لمظهرك وبتبين مظهر الضوافر مش لطيف علشان كده خلي بالك وانتي خارجة ان المانيكير يكون مظبوط  ومش مقشر وان مظهر ضوافرك يكون صحي ومهذب باستخدام المبرد،لاحظي ان الرجل مش بيلفت نظره الوان المانيكير الصارخة والرسومات اللي علي الضوافر قد مايهمه مظهر الضوافر الصحي الجميل.

Share.

Comments are closed.