اشترك
like Sofy on Facebook

خلصي بيتك من الروايح الكريهة بــ 8 طرق

0

روايح الاكلات القوية خصوصا السمك والمقليات بتعتبر من اكبر المشاكل اللي بتقابل السيدات في اهتمامهم بالبيت ونضافته وطبعا بتسببلهم احساس بالاحراج خصوصا في حالة وجود ضيوف غير ان الجيران بيتضايقوا لو الروايح وصلتلهم,وللاسف مش دايما فتح شبابيك البيت بيكون هو الحل الاحسن للتخلص من الروايح اللي مش محببة بالذات في حالة سوء الاحوال الجوية من برودة او اتربة او حرارة,اعرفي معانا شوية افكار عملية وسهلة تخلصك من الروايح اللي مش محببة وتخليكي تستمتعي برائحة منعشة لبيتك.

1-قشور البرتقال:
حطي شوية قشور برتقال مع قرفة في مية مغلية لمدة دقايق قليلة وبعدين اطفي عليهم واستمتعي بريحة منعشة لبيتك طول اليوم.

2-البيكينج صودا:
خدي معالق قليلة من البيكينج صودا ودوبيها  في كباية مية دافية وحطيها في المكان اللي فيه الروايح الكريهة هتلاقيها اختفت.

3-حبوب القهوة المحمصة:
حطي حبوب من القهوة المحمصة في طبق عندك في المطبخ,مش بس هتخلصك من الروايح الكريهة لكن كمان هتخلي ريحة البيت حلوة.

4-الخل:
اخلطي معالق صغيرة من الخل مع معلقة فانيليا في كوباية وحطيها قريب منك وانتي بتعملي الاكلة اللي ريحتها قوية علشان تقلل من الريحة القوية.

5-شرايح الليمون:
حطي شرايح من الليمون في مية مغلية هتلاقي الروايح الكريهة راحت وهتستمتعي بريحة حلوة للبيت.

6-مكعبات البطاطس:

حطي مكعبات من البطاطس في طبق وضيفي ليها معالق من ملح البحر قريب من الاواني اللي فيها روايح الاكل القوية,مكعبات البطاطس هتمتص الروايح القوية.

7-شرايح التفاح:
قطعي شرايح صغيرة من التفاح وحطيها في المطبخ قبل ماتبدأي في عمل الاكلة اللي ريحتها قوية هتلاقي ان الريحة قلت كتير.

8-الشوفان:
حطي حبوب من الشوفان في مية مغلية هتمتص الروايح الكريهة اللي في المطبخ.

Share.

Comments are closed.