اشترك
like Sofy on Facebook

حقائق عن مرض السكري

0

مرض السكري هو مرض القرن،ممكن يصيب الإنسان في أي مرحلة عمرية وليه أسباب كتير وساعات بيصيب الشخص بدون أسباب. لو عايز تعرف إزاي تكتشفه وتتعامل معاه اقرأ معانا الموضوع ده.

في 3 أنواع من مرض السكري :

  • النوع الأول : هو رد فعل المناعة الذاتية، بيقوم الجهاز المناعي بمهاجمة الخلايا اللي بتنتج الإنسولين وسببه غير معروف. الأشخاص المصابين بالنوع ده من السكر بيفرز جسمهم كميات ضئيلة من الإنسولين أو ممكن ميكونش بينتج أي إنسولين للجسم. النوع ده من مرض السكر بيهاجم الشخص في أي مرحلة عمرية، لكنه في الغالب بيصيب الأطفال والشباب. بيحتاج الأشخاص المصابين بالنوع الأول من مرض السكري للحقن بمادة الإنسولين لضبط مستوى الجلوكوز في الدم والإ يكونوا معرضين للوفاة
  • النوع الثاني : وهو معروف بمرض البالغين أو السكري غير المتعمد، وبيمثل 90% من نسبة الأصابة بمرض السكري. بيتميز بمقاومة الجسم للإنسولين او إفراز الجسم للإنسولين بكميات ضئيلة أو الأثنين معا أثناء الكشف عن المرض.ممكن يكون الشخص مريض بالنوع ده من السكري لفترة طويلة وميكتشفش المرض إلا عند حدوث مضاعفات او عند عمل تحاليل للدم أوتحليل السكر في  البول. أحد أهم أسباب الأصابة بالنوع الثاني من السكري السمنة، اللي بتكون سبب مباشر في مقاومة الجسم للإنسولين وارتفاع لنسبة الجلوكوز في الدم . بيبدا التعامل مع النوع ده من السكري باتنبع نظام غذائي صحي مع التمرين، لكن مع مرور الوقت بيحتاج المريض للأدوية  او الإنسولين
  • النوع الثالث : وهو سكر الحمل وهو عبارة عن إرتفاع في سكر الدم أثناء الحمل، بتحدث لكل أم من 25 حول العامل وبتؤدي لمضاعفات للأم والجنين و بتختفي بعد الولادة. لكن بتكون اللأم و الطفل معرضين بنسبة 50% للإصابة بالنوع الثاني من مرض السكريخلال 5 ل10 سنوات بعد الولادة.

في أعراض كتيرة ومختلفة للإصابة بمرض السكري، منها :

  • كثرة التبول
  • الشعور بالعطش الزائد
  • الشعور بالجوع
  • فقدان الوزن
  • الشعور بالإرهاق
  • قلة التركيز
  • عدم وضوح الرؤية
  • إحساس بالوخز أو التخدير في اليدين او القدمين
  • بطىء التئام الجروح
  • تكرار حدوث العدوى
  • ألم بالمعدة مع قيء
  • مشكلات جنسية

وخلي بالك ،ظهور النوع الأول من السكري بيكون مفاجيء على عكس النوع الثاني من السكري حين تكون الأعراض غائبة او طفيفة وده اللي بيصعب عملية إكتشافه

وفي معلومة أكيدة إن السمنة، خصوصا سمنة البطن بتكون مرتبطة بظهور النوع الثاني من مرض السكري. إنقاص الوزن بيحسن من عملية مقاومة الإنسولين وبيقلل من ضغط الدم المرتفع، لذا من الضروري الحفاظ على الوزن الصحي.

إيه اللي ممكن يساعدك في الوقاية من السكري ؟

  1. النشاط البدني : وده مرتبط بالحفاظ على الوزن المثالي للجسم وإنخفاض لضغط الدم المرتفع ، زيادة حساسية الأنسولين، وتحسين التكوين الجسماني والنفسي
  2. نظام غذائي صحي ومتوازن : اللي بيقلل من الأصابة بامراض القلب والأوعية الدموية
  3. البعد عن التدخين : اللي بيسبب أمراض القلب، السكري لأنه بيزيد من تراكم الدهون في منطقة البطن ومقاومة الإنسولين.
  4. البعد عن الضغوط النفسية والاكتئاب : لأرتباطهم الوثيق بامراض القلب والسكري
  5. طبيعة النوم : النوم أقل من 6 ساعات أو أكتر من 9 ساعات بيرتبط بالإصابة بالنوع الثاني من مرض السكري لأن قلة النوم بتحدث خلل في الهرمونات المنظمة لتناول الطعام وتوازن الطاقة، والنوم الزائد مرتبط بمتلازمة توقف النفس أثناء النوم اللي مرتبطة إرتباط وثيق بالسمنة

 

Share.

Comments are closed.