اشترك
like Sofy on Facebook

حشرات الشعر..اسبابها وعلاجها

0

كتير من الامهات بيعانو من ان اولادهم عندهم حشرات في شعرهم وبتسببلهم شعور بالحكة وبتنتشر علي الوسادة اللي بينام عليها الطفل ,والمشكلة دي منتشرة اكتر بين اطفال المدارس اللي بتتنقل العدوي منهم لبعض وعلي فكرة البالغين كمان معرضين للنوع ده من العدوي مش بس الاطفال. لو عايزين تعرفو ايه اسباب ظهور حشرات في شعر اولادكم وايه هي طرق علاجها وازاي تتجنبوها تابعو معانا المقالة دي.
اسباب ظهور حشرات الشعر:
-الاصابة بإحدي الفطريات اللي بتعيش علي فروة الرأس وبتنتقل من شخص للتاني من خلال الاشتراك في استعمال امشاط الشعراو
القبعات او تلامس الرأسين واشهر الحشرات دي هي القمل
-انتقال العدوي من رأس شخص لرأس شخص تاني من خلال ملامسة الرأس لفراش ملوث بالحشرة دي.
اعراض قمل الشعر:
اهم الاعراض هي الشعور بحكة في منطقة الرأس ممكن الحكة دي تبدأ بعد شهور من بداية ظهور الحشرات في الرأس وهنا بيبدأ الشعور بالمشكلة.

مضاعفات حشرات الرأس:
-تهيج وحساسية في الرأس
-ممكن الرأس تبقي سميكة اكتر وممكن لونها يتغير.
-تساقط الشعر وممكن لون جلد الاذنين يبقي غامق.
-ممكن لو ماتمش علاجها بسرعة تؤدي للاصابة بالتايفونيد او الحمي .

تعملي ايه لو شكيتي في وجود حشرات في شعر طفلك ؟
-لازم تستشيري الطبيب علشان تتأكدي ان طفلك عنده حشرات في شعره فعلا
-لازم تقولي للمختصين بالرعاية الصحية في المدرسة عند الطفل.
-استخدميله الشامبو والامشاط الخاصة بمعالجة القمل
-استخدام المايونيز او الخل بيساعد علي التخلص من حشرات الشعر.
-ممكن تنظفي شعر الطفل بالمية وبعدين تدهنيله زيت الزيتون علي شعره وتسيبيه لمدة ربع ساعة وبعدين تمشطيله شعره لان ده بيساعد
في علاج القمل.
-اهتمي بنظافة المخدة اللي بينام عليها طفلك والامشاط اللي بيستعملها.
-يفضل ان طفلك ميروحش المدرسة لحد مايتم التخلص من الحشرات علشان مايعديش غيره.

ازاي تتجنبي انتقال العدوي بين اطفالك:

علشان تتجنبو انتقال العدوي بين اطفالكم وبعضهم او بينهم وبين اطفال تانيين او حتي علي مستوي البالغين اتبعو النصايح دي:
-يفضل ان الطفل في سن المدرسة ماينامش علي سرير مشترك مع اطفال تانيين علشان متتنقلش عدوي
-لازم كل شخص في البيت يكون له مشطه الخاص وفوطته الخاصة
-لازم الاهتمام بنظافة المخدات باستمرار علشان العدوي متتنقلش من خلالها
-خاللي عينك علي طفلك وهو بيلعب مع اطفال تانيين ان مايتمش احتكاك بين راسه وراسهم لان ده ممكن يكون مجال لانتقال العدوي

Share.

Comments are closed.