اشترك
like Sofy on Facebook

حب نفسك وإهتم بمظهرك

0

مش السيدات والبنات بس اللي لازم يهتموا بنفسهم، أنت كمان لازم تهتم بشكلك ومظهرك اللي هيديك ثقة أكبر في نفسك وشعور أكبر بالراحة والسعادة. إعرف معانا إزاي تكون أكثر جاذبية لما تقرأ الموضوع ده.

زي إهتمامك بشغلك، لازم تهتم بمظهرك ودي عملية سهلة وبسيطة لو إتبعت النصايح دي :

  • زي ما بتهتم بشكل شعرك، إهتم كمان بمظهر حاجبيك. خليهم مهندمين وده من خلال تنسيق طولهم وشكلهم مرة كل 6 أسابيع
  • إتخلص من الشعر الزائد في الأنف والأذنين
  • خلي بالك من رائحة فمك اللي ممكن تكون كريهة بسبب التدخين او إهمالك في غسلها
  • مش البنات بس اللي لازم تهتم بأظافرها، حاول تهتم بنظافتهم أو تخليهم دايما مقصوصين
  • لو شعرك خفيف، بيكون حل مثالي إنك تخليه قصير جدا أو تحلقه خالص
  • حاول متكنش مليان روايح كتيرة، الصابون والأفتر شيف، مزيل رائحة العرق والبرفان، إستخدم بعض من المنتجات دي بدون رائحة
  • لحلاقة أكتر نعومة، أترك كريم الخلاقة على بشرتك مدة 3 دقايق
  • مفيش ما يمنع إنك تحمي بشرتك من آثار الشمس الضارة بإستعمال صن بلوك
  • إهتم بمظهر قدميك، إهتم بنظافتهم وإتخلص دايما من الجلد الميت
انشرها

التعليقات مغلقه