اشترك
like Sofy on Facebook

تنميل الاصابع – الاسباب و العلاج

0

كتير من الناس بيحسوا بتنميل في صوابع ايديهم ورجليهم خصوصا في فصل الشتاء او  لما بيكونوا لسة صاحييين من النوم او لما بيكونوا قاعدين لفترة طويلة في وضع معين وبعدين يقوموا واكيد الحكاية دي بتزعجهم وبتضايقهم خصوصا لما ييجوا يشيلوا حاجة تقيلة.لو كنت بتعاني من مشكلة تنميل الاصابع هنساعدك من خلال المقالة دي انك تتعرف علي اسباب الحكاية دي وازاي تعالجها.

الاسباب:
-التعرض لكسر او كدمة في منطقة اطراف الاصابع.
-الضغط الشديد علي اطراف الاصابع:في استخدام الكمبيوتر والكتابة او اي نشاط بيضغط علي الاصابع.
-نقص الكالسيوم في الجسم .
-الوضع الغير مريح او الضغط الشديد علي منطقة معينة في الجسم.
-مرض رينود(عبارة عن مشكلة في الشرايين اللي بتوصل الدم لاطراف الاصابع وفي بعض الاحوال ممكن يكون وراثي) وده بيؤدي للشعور بالتنميل مع احساس بالبرد.
-كتير من الناس بيحسوا بالتنميل اكتر في فصل الشتاء خصوصا في الاوقات شديدة البرودة.
-وجود مشاكل او الام في الظهر او الرقبة او العمود الفقري ممكن يخليك تشعر بالتنميل.

العلاج:
-اول خطوة في العلاج هي انك تتعرف علي مصدر المشكلة عشان تقدر توصل للحل. وفي كذا طريقة للعلاج :
-العلاج اليدوي:وده بيسهل تدفق الدم وبيساهم في الحد من الالتهابات .
-العلاج الطبيعي: بينظم الدورة الدموية في المناطق اللي بتعاني من التنميل .
-العلاج بالادوية والليزر والموجات فوق الصوتية : بيعالج الانسجة من اثار نقص الاكسجين.
-العلاج بالتمارين الرياضية:بتساعد علي تقوية العضلات والمفاصل اللي بتعاني من التنميل من خلال تنشيط الدموية .

ولاحظ انك كل مابدأت العلاج بدري كل ماكان افضل لان الشعور بالتنميل ممكن يكون دليل علي وجود مشكلة اكبر

Share.

Comments are closed.