اشترك
Buy Neuth France products

تمارين نط الحبل

0

تمرين نط الحبل من أكتر التمارين المسلية إللى ممكن إنك تستمتعى بيها دة غير فوايدها المذهلة لجسمك ، فهو بيقوى عضلات النصف العلوى و النصف السفلى من الجسم بالإضافة لأنه وسيلة ممتازة لحرق الدهون وتنشيط الدورة الدموية ، لو كنتى من محبى رياضة نط الحبل حاولى تحصلى على أقصى استفادة منها باتباعك للإرشادات الجاية

الدورة (1) :

  • نطى الحبل بالطريقة المعتادة لمدة 3 دقائق
  • نط الحبل من الأمام إلى الخلف : نطى للأمام و الخلف أثناء نط الحبل (مدة 3 دقائق)
  • نط الحبل بطريقة side to side : نطى لليمين و لليسار أثناء نط الحبل (مدة التمرين 3 دقائق)
  • احصلى على فترة راحة لمدة 30 ثانية

الدورة (2) :

  • النط من الكعبين للأصابع (Heel-To-Toe) : هو تمرين مشابه لتمرين النط من الأمام للخلف ، اقفى على كعب رجلك وانتى بتنطى لقدام و على أصابع قدمك وانتى بتنطى للخلف (مدة التمرين 90 ثانية)
  • النط العالى : خلى قدميكى جنب بعض و نطى لأعلى ارتفاع تقدرى توصلى ليه (مدة التمرين 90 ثانية)
  • ارفعى ركبتك : ارفعى ركبتك أثناء قيامك بنط الحبل لأعلى ارتفاع تقدرى توصلى ليه (مدة التمرين 90 ثانية)
  • احصلى على فترة راحة لمدة 30 ثانية

الدورة (3) :

  • الجرى : بدلى رجليكى أثناء نط الحبل كأنك فى وضع الجرى ( مدة التمرين90 ثانية)
  • تمرين Butt Kicks : قومى بنط الحبل على أن تصل قدميكى إلى منطقة المؤخرة فى نفس الوقت (مدة التمرين 90 ثانية )
  • تمرين Single Foot Hop : استخدمى رجل واحدة أثناء النط (مدة التمرين 60 ثانية للرجل الواحد)

Share.

Comments are closed.