اشترك
like Sofy on Facebook

  !تمارين ممكن تمارسها في البسين

0

في فترة الصيف كلنا بنسافر علشان نستمتع بالسباحة في البحر او البسين ، لكن البسين ممكن تستغله في انك مش تعوم بس لكن تقوم بتمارين مختلفة ، وميزة التمارين في البسين  إنها آمنة لأن المية بتخليك خفيف وبالتالي بتكون التمارين اسهل والفكرة دي مشجعة للأشخاص اللي مش بيقدروا يمارسوا التمارين العادية علشان بيخافوا انهم يقعوا نتيجة فقدان توازنهم

التمارين المائية مفيدة جدا خصوصا للأشخاص اللي بيعانوا من هشاشة العظام ، التهاب المفاصل ، آلام الظهر ، آلام الرقبة  لأن التمارين المائية بتكون بسيطة ومش بتسبب ألم ليهم لأن المية بتقلل الضغط على ألم المفاصل

والتمارين المائية كمان بتساعد على حرق الدهون وتقوية عضلة القلب وعضلات الجسم لأن المية بتعطي مقاومة لطيفة للمساعدة في بناء قوة الجسم

:من التمارين المائية البسيطة اللي ممكن تمارسها وانت بتعوم في البسين

رفع ساقيك الاثنين

التمرين ده لازم تسند ضهرك عند حافة حمام السباحة ، وتضم ساقيك ويكونوا مفرودين وتنزلهم في المية وبعدين ترفعهم إلى أعلى مستوى تقدر توصله . المية ممكن تحسسك بصعوبة إضافية في ممارسته لأنك هتحارب طفو الجسم الطبيعي ،لكن ممكن تمسك بحافة حمام السباحة عشان يساعدك ترفع ساقيك وتنزلهم بسهولة

القفز مع فتح القدمين

ممارسة التمرين ده بتتطلب إنك تقفز لأعلي مع فتح ساقيك ، والتمرين محتاج انك تضغط بجسمك خلال المية وكمان لازم تحافظ على توازنك لأن طفوك الطبيعي هيحركك إلى الأمام أو الخلف. اقفز كما تفعل عادة ولكن لا تدع قدميك تلمسان القاع عندما تعيدهما إلى المركز

الرفرفة

لازم يكون جسمك نايم على المية ،وتمسك في حافة حمام السباحة ،وتبدا تعمل ركلات سريعة  وتقوم برفرفة رجلك في المية ،وعشان تمارس التمرين بشكل أصح ركز إنك تخلي رجلك مش أعلى من المية لكي ترفرف بشكل أسرع

تمرين الضغط

وهو مختلف عن تمرين الضغط على الأرض تماما ، لأن فيه بتسند ذراعيك على على حافة حمام السباحة ، وبعدها تبدأ بدفع جسمك أعلى من المية بحيث يكون ذراعيك ممتدين بالكامل

من الأفضل إنك تخلي ذراعيك قريبين من جنبك وكمان متقومش بالتمرين بشكل سريع

الجرى في الماء

فإن الجري في المياه العميقة يشكل تحدي كبير ، لو كنت أول مرة تجرب التمرين ده أبدأ  بأطوال قليلة فقط من حمام السباحة . كلما كانت المياه أعمق ، كلما كان الجري أكثر صعوبة

القفز مع وضع القرفصاء

لازم تكون قدميك مفتوحة على مسافة أوسع من عرض الوسط، وتبتدي بوضع القرفصاء ثم القفز من الماء

Share.

Comments are closed.