اشترك
Buy Neuth France products

تمارين عسكرية للحصول على اللياقة البدنية

0

التمرين هو جزء مهم من نمط حياة صحي،لأن ليه فوائد كتير جدا من ضمنها أنه بيساعد على تخفيف التوتر وبالتالي بيحمي الشخص من الأصابة بأمراض زي القلق والإكتئاب
ممارسة التمارين الرياضية بتحافظ على جسمك وبتخليه متناسق ، وكمان لأنه بيعزز نظام المناعة بيخلي صحتك أفضل
معظم أنواع التمارين في العالم أصلها من الجيش ،والقوات المسلحة بيكون عندها روتين تدريبي متخصص ، بيلتزموا بيه علشان يحافظوا على قوة الجنود ويكونوا على استعداد لأداء أي  مهام مطلوبة منهم بالمستويات المثلى. في بعض التمارين العسكرية اللي ممكن نقوم بيها يوميا في بيوتنا علشان يكون جسمنا عنده اللياقة البدنية ويكون في صحة أفضل
:من ضمن التمارين العسكرية اللي ممكن نمارسها يوميا من أجل صحة الجسم والعقل

 تمرين الضغط –
من التمارين المعروفة اللي بتخلي الجزء العلوي من الجسم أقوى، لأن التمرين ده بيعمل على منطقة الصدر والجزء العلوي من البطن والكتف، وبيعمل كمان على عضلة التراي . بيهتم أفراد الجيش بممارسة تمرين الضغط لأنه بيدي الجسم لياقة ومرونة . تمرين الضغط ممكن تمارسه في المنزل بكل سهولة
أثناء قيامك بتمرين الضغط ، لازم يكون جسمك مستقيم. إذا كنت تقوم بإجراء روتين منتظم للضغط ، فيجب أن تكون المسافة بين راحة يديك هي نفس عرض أكتافك

تمرين القرفصاء-
تمرين القرفصاء بيقوي الجزء السفلي من الجسم خصوصا الفخذين والأوتار ، وهذا فعال للغاية في الحفاظ على تناسب الجزء الأسفل من الجسم .والتمرين ده لازم يكون الضهر مستقيم والمسافة بين القدمين تساوي المسافة ما بين الكتفين، وتبتدي في الجلوس على شكل قرفصاء

 

 

تمرين اللونجس-
يعمل على تقوية الجزء الأسفل من جسمك خصوصا عضلات الرجل الخلفيه،وأهمية هذه العضلات هي انها بتؤثر في قوتك وسرعه رجليك وتعطيك القوه أثناء الجري .هو من التمارين اللي بتعمل على عضلات متعددة في الجسم في نفس الوقت. طريقة عمل التمرين هى الوقوف بشكل ثابت وتمدد رجلك اليمين للأمام وعمل زاويه قائمه حول الركبه والفخذ وترجع قدمك ثانيه وتعيد الكره ولكن بالرجل الأخرى

 

تمارين البطن-
وهي تمارين مفيدة جدًا لشد عضلات البطن ؛ والتمرين عبارة عن رفع وخفض سريع للجزء العلوي من جسمك ، وقدميك يكونوا ثابتين على الأرض. ممكن ممارسة تمارين البطن مع ساقيك ممتدة أمامك مباشرة. يمكنك أيضا القيام بها مع رفع ركبتيك وأقدامك على الأرض. ممكن تمارسها من 5 إلى 10 مرات يومياً للحصول على جسم سليم

تمرين wall sit-
التمرين ده من تمارين الجيش المهمة . والتمرين بيتطلب منك أنك تضع ظهرك على الحائط مع وضع قدميك بشكل عمودي على الأرض وتنخفض بجسمك كأنك تجلس . وتثبت على الوضع ده لمده بين عشرة لستين ثانية
التمرين ده مهم لأنه بيشد عضلات الرجل الامامية و الخلفية وعضلة السمانة وبيمنع تقوس الضهر و بيشد البطن

من المهم ممارسة التمارين الرياضية اليومية لحياة صحية. وللحصول على أفضل النتائج ، يجب دمج التمارين مع نظام غذائي مغذي غني بالبروتين

 

Share.

Comments are closed.