اشترك
Buy Neuth France products

تفتيح المناطق الداكنة في الجسم

0

حكاية وجود مناطق داكنة في الجسم دي منتشرة جدا عند كتير من الناس وبتعمللهم مشكلة وبتتسببلهم دايما في احراج كبير قدام الناس خصوصا قدام شريك الحياة وكمان في المناسبات والحفلات وطبعا العروسة اللي بتجهز لفرحها وعايزة تظهر بأجمل صورة ,ومش بيكونو عارفين ايه سبب الاسمرار ده ولا ازاي يتخلصو منه .والرجالة والسيدات معرضين ليه زي بعض لاسباب مختلفة.اعرفو معانا ايه هي اسباب وجود مناطق داكنة في جسمكم وازاي تتخلصو منها.

اسباب وجود مناطق داكنة في الجسم:
بالنسبة للسواد تحت العينين من اسبابه:
-الانيميا او سوء التغذية.
-التعرض لاشعة الشمس مدة طويلة.
-زيادة افراز الغدد الدهنية في البشرة.
-الاجهاد والسهر بالليل وقلة النوم.
علاج السواد تحت العينين:
-البعد عن الاجهاد والنوم عدد ساعات كافية.
-تجنب التعرض للشمس مدة طويلة ويفضل استعمال النضارات الشمسية الصحية لتجنب اسمرار المنطقة تحت العنينين.
-شرب المية بكميات كافية للجسم.
-التغذية السليمة والتركيز علي الاكلات الغنية بالحديد زي السبانخ والعدس والعسل والتفاح.
-تجنب التدخين لانه بيسبب ظهور الهالات السودا.
بعض الوصفات الطبيعية زي:
-وضع شريحة خيار تحت العينين لمدة ربع ساعة.
-وضع شرايح صغيرة من البطاطس تحت العينين.
-تدليك المنطقة تحت العينين بشوية صغيرين من زيت اللوز قبل النوم وبعدين تنامو بيهم وبعدين غسل العينين تاني يوم بالمية الباردة.
-نقع قطع قطن صغيرة في مية الورد لمدة دقايق وبعدين وضع القطن المبلل بمية الورد علي العينين لمدة ربع ساعة وتكرار الحكاية دي
مرتين في اليوم.
-نقع كرة صغيرة من القطن في عصير الليمون ووضعها علي العينين لمدة 15 دقيقة وبعدين شطف العينين وتكرار الموضوع ده يوميا.

اسباب السواد في منطقة الركبتين والكوع:
-الوراثة.
-تعرضهم للتراب والاسطح اللي مش نضيفة والشمس.
-عدم الاهتمام بنضافتهم بشكل يومي.
-تعرضهم للجفاف باستمرار بسبب عدم وجود غدد دهنية فيهم.
-التغيرات الهرمونية عند المرأة اثناء الحمل.
علاج السواد في منطقة الركبتين والكوع:
-استخدام واقي للشمس للكوع والركبتين قبل تعريضهم للشمس.
-الاهتمام بترطيبهم بالكريمات باستمرار علشان ميحصللهمش جفاف.
-تدليكهم بزيت جوز الهند وزيت الزيتون باستمرار للتخلص من الجفاف والجلد الميت.

اسباب الاسمرارفي منطقة تحت الابط:
-التدخين.
-زيادة الوزن بتزود الاحتكاك وبتسبب الاسمرار .
-التعرق الشديد في منطقة تحت الابط خصوصا انها منطقة مش ظاهرة.
-ازالة الشعر تحت الابطين باستخدام معجون الحلاقة والكريمات.
علاج اسمرار منطقة الابط:
-الاهتمام بعدم ازدياد الوزن علشان الاحتكاك مايزيدش ويسبب اسمرار.
-من الافضل لبس الملابس المريحة القطنية الواسعة علشان تشرب العرق.
-يفضل ازالة الشعر الزائد بالشمع بدل الكريمات ومعجون الحلاقة.
-الاهتمام بنضافة منطقة تحت الابط باستمرار.
بعض الوصفات الطبيعية زي:
-التعرض لحمام البخار وبعدين تنظيف المنطقة بالليفة والصابونة كويس وبعدين تدليك المنطقة بزيت اللوز او زيت الزيتون لحد
مايتشرب مع تكرار العملية دي مرتين او 3 في الاسبوع.
-وضع قطعة قطن صغيرة في زيت الخروع ودهن المنطقة بيها 3 مرات في اليوم.
-فرك قطعة من الليمون تحت الابطين بعد الاستحمام.
-وضع معلقتين من اللبن علي المنطقة لمدة ربع ساعة وبعدين غسلها.
-مزيج من العسل والليمون علي الابطين لمدة تلت ساعة وبعدين شطفهم وتكرار العملية دي يوميا.

Share.

Comments are closed.