اشترك
Buy Neuth France products

تغلب على ضعف الذاكرة بكوب من الكاكاو يوميا

0

 

مشروب الكاكاوالساخن هو المشروب المفضل للكبار والصغيرين والكاكاو بيصنع منه الشيكولاتة الخام و بيستخدم فى صنع الكيك والحلويات وعمل صوص الشيكولاتة لتزيين الحلويات كمان الكاكاو مليان بالفوايد الغذائية

و من أهم فوايد الكاكاو إنه يحتوى على العديد من العناصر الغذائية زى مضادات الأكسدة إللى بتساهم فى تقليل نسبة الإصابة ببعض أنواع السرطان ويساعد على تنشيط الدورة الدموية و تنظيم ضغط الدم وهو مفيد لخلايا البشرة ، ويعتبر مصدر مهم للبروتينات إللى بتزود الجسم بالطاقة عشان كدة الشيكولاتة الغامقة بتكون شئ أساسى داخل حقائب كتير من الناس إللى بيقوموا برحلات جبلية فى أروبا ، لكن هل تعرف كمان ان الكاكاو عنده القدرة على محاربة ضعف الذاكرة إللى بيزيد مع تقدم العمر ، اقرا معانا المقالة الجاية عشان تعرف أكتر عن أهمية الكاكاو لتقوية الذاكرة

دور الكاكاو فى تقوية الذاكرة :

الكاكاو يحتوى على مادة الفلافونول وهى مادة لديها القدرة على مقاومة ضعف الذاكرة الناتج عن التقدم فى السن

ففى دراسة أجريت على مجموعة من المتطوعين أعمارهم تتراوح ما بين 50 – 69 سنة لمدة 3 أشهر، تم اكتشاف ان شرب كوب من الكاكاو يوميا حسن من وظائف الدماغ للأشخاص المتطوعين وانهم حصلوا بعد كدة على درجات أعلى فى اختبارات الذاكرة ،فالكاكاو يساعد على زيادة تدفق الدم إلى منطقة معينة فى الدماغ و المسئولة عن الذاكرة

و لكن لاحظ أن ضعف الذاكرة الناتج عن التقدم فى العمر يختلف عن الإصابة بمرض الزهايمر

العلماء بينصحوا إن أفضل طريقة للحصول على القيمة الغذائية للكاكاو هو تناوله كمشروب ساخن لأن السخونة بتساعد على إطلاق المواد الغذائية الكامنة فيه ، وتجنب تناوله فى الكيك والشيكولاتة لأنها بتكون غنية بالدهون والسكريات ، لكن يمكن تناول الشيكولاتة الغامقة لأنها تحتوى على 45% – 80% من الكاكاو بينما الشيكولاتة المتوفرة فى الحلويات المختلفة تحتوى على 5% – 7% فقط من الكاكاو

مركب الفلافونول يتواجد أيضا فى الشاى الأخضر و التفاح و العنب و التوت و الكرز ، وهو متوفر فى بعض المكملات الغذائية

Share.

Comments are closed.