اشترك
Buy Neuth France products

تعملي ايه لو نسيتي تاخدي حبوب منع الحمل

0

اي سيدة مواظبة انها تاخد مانع الحمل بتاعها بتكون معرضة في اي مرة من المرات بسبب الانشغال او النسيان انها متاخدش مانع الحمل وبتكون عايزة تاخد اجراء وقائي علشان ميحصلش حمل بدون تخطيط اذا كان الحمل فيه خطر علي صحتها او عندها اطفال كتير,اعرفي معانا تتصرفي ازاي لو حصل في اي مرة من المرات انك نسيتي تاخدي مانع الحمل بتاعك.
-اذا كانت مدة تأخيرك في تناول الحبة 12 ساعة يبقي خدي حبة واحدة وخدي بقية الحبوب بشكل عادي والحالة دي مش بتحتاج اي اجراءات وقائية.
-لو كانت مدة تأخيرك اكتر من 12 ساعة يبقي خدي الحبة وقت ماتفتكري واحرصي علي ان زوجك يستعمل الواقي الذكري لمدة اسبوع وبعدين خدي بقية الحبوب في معادها ومفيش داعي لاي وسائل طارئة لمنع الحمل في الحالة دي.
-لو كانت مدة التأخير يوم واحد يبقي خدي حبايتين في اليوم اللي افتكرتي فيه ولو كنتي اتأخرتي لمدة يومين خدي حبايتين في اليوم اللي افتكرتي فيه وحبايتين في اليوم اللي بعده.
-لو كان عندك في العبوة 7 حبات او اكتر يبقي احرصي علي ان زوجك يستعمل الواقي الذكري واستعملي مانع الحمل الخاص بالطوارئ لمدة اسبوع وبعدين ابدأي في استعمال عبوة جديدة .
-لو كان عندك في العبوة اقل من 7 حبات يبقي خلصي العبوة وابدئي في عبوة جديدة اليوم اللي بعده.
-لو نسيتي الحباية في الاسبوع التاني يبقي العبوة  لحد الاسبوع التالت وبعدين استعملي عبوة جديدة لان الحبوب اللي في العبوة مش بتكون فعالة بعد الاسبوع التالت.
في حالة حبوب البروجيسترون:
-لو كنتي اتأخرتي اكتر من 3 ساعات يبقي خدي الحباية وقت ماتفتكري وخدي بقية الحبوب في معادها وخدي وسيلة تانية لمنع الحمل زي الواقي الذكري لمدة 48 ساعة لضمان عدم وجود حمل.
-ولو كنتي مارستي العلاقة مع زوجك قبل 3 -5 ايام يبقي الافضل انك تستعملي حبوب منع الحمل الخاصة بالطوارئ.

لو اخدتي كل احتياطاتك واتأخرت عليكي الدورة الشهرية يبقي لازم تعملي اختبار حمل علشان تتأكدي اذا كنتي حامل ولا لأ ولاحظي انه من الممكن يحصل تأخير في معاد الدورة الشهرية بدون مايكون في حمل.

Share.

Comments are closed.