اشترك
Buy Neuth France products

تعرف ايه عن عمليات الليزك ( تصحيح عيوب الابصار )

0

عمليات تصحيح النظر باستخدام الليزر من العمليات المنتشرة حاليا بهدف الاستغناء عن استعمال  النضارة في النظر عند الاشخاص اللي عندهم مشاكل في عينيهم. تابعونا علشان تعرفو ايه هي عمليات الليزك وايه هي مميزاتها وايه هي عيوبها وازاي الشخص اللي هيعملها يستعد ليها وازاي بتتعمل وايه هي اثارها الجانبية.
ايه هي عمليات الليزك:
هي عبارة عن تصحيح مسار النظر عند الاشخاص اللي عندهم قصر نظر او بعد نظر او استجماتيزم،من خلال اعادة تشكيل القرنية ونتيجة لده النور اللي داخل ليها بيتم تركيزه بشكل صحيح علي شبكية العين وبيتم تصحيح مسار النظر في العينين.

مميزات عمليات الليزك:
-نتايجها مضمونة بنسبة كبيرة جدا في تصحيح مسار النظر من غير نضارة.
-بتتم من غير اي احساس بأي الم يذكر ومش بتاخد وقت طويل .
-بيتم تصحيح النظر بعد العملية علي طول او بالكتير خلال 24 ساعة من نهاية العملية.
-مفيش اي ضمادات او غرز بعد العملية.
-اي تعديلات بتتعمل بعد سنين طويلة من نهاية العملية مع التقدم في العمر.
-في معظم الاحوال بيتم الاستغناء بشكل نهائي عن استخدام النضارات والعدسات.

عيوب عمليات الليزك:
-التغييرات اللي بتحصل في القرنية مش ممكن تتعكس بعد العملية.
-في حالات نادرة جدا العين مش بترجع تشوف بنفس مستوي الجودة اللي كانت بتشوف بيه قبل كده.
ايه هي الاثار الجانبية لعمليات الليزك:
-في حالات نادرة جدا ممكن تحصل عدوي من النزيف اللي بيحصل اثناء العملية.
-بعض الناس اللي بيعملوها ممكن يحسو بعدم الراحة لمدة حوالي يوم او يومين بعد العملية وفي اثار نادرة جانبية زي:
-الشعور بتوهج او حساسية في العين.
-رؤية هالات حوالين الصور.
-الصعوبة في السواقة بالليل.
-جفاف في العين.
-تذبذب في النظر.

ازاي تستعد لعملية الليزك:
-يفضل عدم استعمال اي كريم او مستحضرات تجميل  للوجه والعينين قبل العملية بكام يوم.
قبل العملية: ممكن جراح العين المساعد يقعد معاك وبيسألك عن اخبار صحة عينيك واذا كان عندك امراض تمنع خضوعك للعملية وبيتم فحص عينيك بالكامل وبيتم قياس سمك القرنية والانكسار واتساع حدقة العين.
بعد العملية:
-ممكن المريض يرجع لبيته لكن يفضل انه يرتاح شوية ومايبذلش مجهود فيه اجهاد لعينيه.
-يفضل استعمال المراهم والقطرة بعد استشارة الطبيب.
-يفضل ان المريض يستشير طبيبه بخصوص اي اعراض مش طبيعية يحس بيها في عينيه.

Share.

Comments are closed.