اشترك
like Sofy on Facebook

تعرفى ايه عن الكيرياتين ؟

1

جمال الشعر و لمعانه و صحته هى المعادلة الصعبة اللى بتسعى كل واحدة لأنها تحققها بأستمرار وبتدور على طرق كتير و بتجرب وصفات كتيرة علشان تساعدها ومن أشهر طرق علاج الشعر اللى بنسمع عنها دلوقت هى الكيرياتين . أيه هو الكيرياتين وهل هو هيساعدك فعلا لتحقيق حلمك و لا ممكن يتسبب فى مشاكل و أضرار للشعر . أعرف معانا أكتر عنه فى المقال ده .

  • الكيرياتين :

هو بروتين بيكون موجود بشكل طبيعى فى الشعر .

  •  أستخدام الكيرياتين للشعر :

1- بيتم  فرد الكيراتين على الشعر و بعدين بتستخدم المكواة على الشعر لتثبيته وبياخد وقت حوالى 90 دقيقة على حسب طول الشعر .

2- بتستنى لمدة 3 أو 4 أيام قبل ما تغسلى شعرك بعد ما بتحطى الكيرياتين لأن علاج الشعر وتعامله معاه بيحتاج لوقت .

3- علشان تساعدى شعرك فى الحصول على أفضل نتيجة لشعرك  مع أستخدام الكيرياتين ممكن بعد ال3 أو 4 أيام دول لما تيجى تغسلى شعرك        تستخدمى شامبو خالى من كبريتات الصوديوم .

  • مميزات استخدام الكيرياتين :

1- بيساعد أستخدام الكيراتين فى توفير الوقت اللازم لتجفيف الشعر خصوصا لو كنت متعودة أنك تحافظى على شكل شعرك مميز .

2- هتقدرى تقولى باى باى للشعر المجعد و تنزلى وقت المطرة أو الشمس من غير ما تكونى قلقانة أن شكل شعرك هيتغير .

  •  أضرار أستخدام الكيرياتين  :

– أكبرمشكلة فى أستخدام الكيرياتين هى مادة الفورمالدهيد و اللى بتتصاعد على شكل بخار بسبب التسخين و بيكون تأثيرها  على مصففى الشعر أكتر من مستخدمى الكيرياتين نفسهم لأنهم بيتعرضولها بشكل أكبر و مستمر ومن أضرارها الصحية أنها بتسبب مشاكل و أضطرابات فى الجهاز التنفسى و التهابات للعين و ممكن أن الجلد يمتصها و بتأثر عليه علشان كده من ينصح لو هتستخدمى الكيرياتين أنك تتأكدى أن النوع اللى هتستخدميه خالى من مادة الفرمالدهيد تماما أو تكون بنسبة بسيطة ماتزيدش عن 2.% .

– من الاتهامات الموجهة للكيرياتين انه بيتسبب فى تساقط الشعر و تكسيره  لكن الحقيقة أن ده مالهوش علاقة بالكيرياتين و السبب الرئيسى هو المكواة اللى بتستخدم  أثناء الجلسة و تعريض الشعر لدرجة حرارة عالية وده تقدرى تتجنبيه أنك تتعاملى مع المصفف اللى بتثقى فيه و مش هيعرض شعرك لدرجة حرارة عالية .

Share.