اشترك
Buy Neuth France products

تحليل السائل المنوي

0

في ناس كتير ميعرفوش ايه هو تحليل السائل المنوي وايه هي اهميته وامتي المفروض بيتعمل وازاي بيتعمل وايه الاحتياطات اللي لازم الرجل ياخدها قبل اجراء تحليل السائل المنوي. لو عايزين تعرفو ايه هو تحليل السائل المنوي وايه اهميته وامتي المفروض يتعمل وايه هي المعدلات الطبيعية للسائل المنوي  تابعو معانا المقالة دي.

ايه هو تحليل السائل المنوي:
هو عبارة عن تحليل الرجل بيخضع له لمعرفة عدد وجودة الحيوانات المنوية الموجودة بالمني عن طريق اخد عينة من المني.

ايه هي اهمية تحليل السائل المنوي:
اهميته هي معرفة اذا كان الراجل عنده مشكلة في انجاب ابناء ولا لا,ووجود مشكلة في السائل المنوي موجودة عند حوالي 1/3 من الازواج اللي عندهم مشكلة في تأخر الانجاب.

ايه هي الحاجات  اللي بيقيسها تحليل السائل المنوي:
-قياس كمية الحيوانات المنوية اللي بيتم افرازها خلال عملية القذف في كل ملليلتر مكعب من المني (الوضع الطبيعي من1-6)ملليمتر
مكعب.
-قياس نسبة لزوجة الحيوانات المنوية:المني بيكون سميك خلال عملية القذف وبعد كده بيبقي سائل خلال 20 دقيقة من بعد القذف،لو زاد
وقت الذوبان عن 30دقيقة ده بيكون دليل علي وجود عدوي
– قياس النسبة المئوية للحيوانات المنوية السليمة(لازم تكون 70% علي الاقل)
-قياس نسبة الحيوانات المنوية اللي بتتحرك بشكل طبيعي الموجودة  في كمية معينة من المني.
-قياس نسبة الحموضة او القلوية في المني(الطبيعي انها تكون من7.1-8 اكتر او اقل من كده ممكن تقتل الحيوانات المنوية او يؤثر علي
قدرتها علي اختراق البويضة)
-قياس نسبة كرات الدم البيضاء الموجودة في المني(الطبيعي هو وجود كرات الدم البيضاء لكن وجود كرات دم حمراء بيكون غير
طبيعي)
-عدد الخلايا المنوية : لازم يكون اكتر من 40 مليون خلية
-قياس نسبة السكر(الفراكتوز) الموجود في المني وده اللي بيدي طاقة للحيوانات المنوية.
-ممكن يتم عمل الفحص مرتين او تلاتة خلال 3 شهور لزيادة الاطمئنان علي معدل العينة.

ايه هي اسباب القيام بتحليل السائل المنوي:

-معرفة اذا كان الرجل عنده مشكلة في موضوع الخصوبة بتأثر علي قدرته علي الانجاب.
-فحص نجاح عملية ربط او استئصال الاسهر عند الرجال اللي عايزين يتوقفو عن الانجاب.

ايه هي الاحتياطات اللي لازم الراجل ياخدها قبل الفحص:
الامتناع عن ممارسة العلاقة لمدة من يومين لخمس ايام لكن مش اكتر من 5 ايام لان ده بيخلي الخلايا المنية اقل نشاط.

Share.

Comments are closed.