اشترك
like Sofy on Facebook

بشرة الخير .. اختبارات الحمل

0

اختبار الحمل بيساعدك انك تعرفى اذا كنت حامل ولا مش حامل ده ممكن يكون كل اللى تعرفيه عنه لكن ايه معناه ؟و ايه الانسب ليكى ؟و ازاى تعمليه فى البيت ؟و ايه مدى صحته ؟ . اعرفى معانا اهم المعلومات عن اختبارات الحمل .

 

  • اختبار الحمل :

بيحدد اختبار الحمل اذا كان البول او الدم بيحتوى على هرمون موجهة الغدد التناسلية المشيمية البشرية (هرمون الحملHCG) والهرمون ده بيتم انتاجه بعد تعليق البويضة المخصبة على جدار رحم المرآة وده بيحصل عادة بعد بعد 6 ايام من الاخصاب وبتستمر مستوياته فى الزيادة بسرعة و بيتضاعف مستواه كل يومين او ثلاثة .

  • انواع اختبارات الحمل :

فى نوعيناساسين من اختبارات الحمل هما اللى هيساعدوكى علشان تعرفى لو كنت حامل : اختبارات البول و اختبارات الحمل .

  1. اختبار البول :

من الممكن أنه يتعمل فى البيت او فى عيادة الدكتور لكن معظم السيدات بيعملوه فى البيت بعد تاخر الدورة الشهرية لاسبوع  علشان يعرفوا نتائج اولية و بعدين بيتاكدوا مع الدكتور بعمل اختبارات اكثر حساسية .

  1. اختبار الدم :

بتتم اختبارات الدم فى عيادة الطبيب و بتكشف عن الحمل قبل اختبارت البول نقدر نقول بعد 6 او 8 ايام من الاباضة  لكن  نتائجها بتحتاج وقت اطول علشان تظهر .

وفى نوعين من اختبارات الدم :

  • Qualitative hcg :

وده بيكشف عن وجود هرمون hcg  وبيحدد وجود الحمل او عدمه وغالبا بيطلبه الدكتور بعد تاخر الدورة الشهرية ب 10 ايام لكنه ممكن انه يظهر نتائج قبل كده .

  • A quantitative hcg test :

وده بيوضح نسبة تضاعف هرمون hcg  فى الدم وبتكون نتائجه ادق من الاول و من تحليل البول وبيكون مفيد فى تتبع اى مشاكل اثناء فترة الحمل  ومتابعة حالة المراة لوحصل اجهاض عند انخفاض مستوى hcg   بسرعة .

  • دقة اختبار الحمل :

علشان تتاكدى من دقة اختبار الحمل من الافضل انك تستنى على الاقل اسبوع من تاخر الدورة الشهرية علشان تعمليه وغالبا بتكون اختبارات البول دقيقة بنسبة 97% لكن اختبارات الدم بتكون اكثر دقة .

بتعتمد دقة اختبار البول أو اختبار الحمل المنزلى على :

  • دقتك فى اتباع التعليمات .
  • الحساسية من اختبار الحمل.
  • ميعاد الاختبار و مدة الحمل .

 

  • ما معنى نتائج اختبار الحمل :
  • اذا حصلت على نتيجة ايجابية تقدرى تتاكدى انك حامل حتى لو كان لون الخط ضعيف او مجرد علامة ونادرا ان العلامة الايجابية بتكون غلط وممكن يكون سببها بعض المهدئات او المنومات .
  • والعكس صحيح العلامة السلبية معناها على الاغلب انك مش حامل الا فى بعض الحالات القليلة و اللى بيكون سببها :

– ان الاختبار منتهى الصلاحية .

– انك طبقتى الاختبار بطريقة غلط .

– انك استهلكت كميات كبيرة من السوائل وده سبب تخفيف البول.

– تناول بعض الادوية زى مدرات البول .

Share.

Comments are closed.