اشترك
Buy Neuth France products

برودة الأطراف فى الشتاء

0

كتير مننا بيعانى من برودة الأطراف فى الشتاء ومش بنبقى عارفين إيه سبب دة وهل هو شئ طبيعى أو إنه إشارة لمشكلة معينة فى جسمنا و إزاى نعالج الشعور دة ، تابع معانا المقالة الجاية عشان تعرف أكتر

ما هى برودة الأطراف ؟

هى انخفاض درجة حرارة اليدين أوالقدمين أوالأنف أو الأذنين فى فترة الشتاء بسبب انقباض الأوعية الدموية و دة بيؤدى لتقليل كمية الدم التى تصل إلى الأطراف فى فترة الشتاء و بتظهر خصوصا فى المناطق دى لأنها مش موجود فيها عضلات هيكلية تنتج حرارة

أعراض برودة الأطراف :

  • الشعور بالبرودة الشديدة فى الأطراف مع شحوب الجلد أوتحول لونه فى المناطق دى للون الأبيض أو الأزرق
  • الشعور بالتنميل وعدم الإحساس بالأطراف
  • فى الحالات الشديدة ممكن يكون فى ألم شديد وتكون قرح أو بثور

أسباب برودة الأطراف فى الشتاء ؟

قد تكون برودة الأطراف فى فصل الشتاء ناتجة عن أسباب طبيعية أو أسباب مرضية .

الأسباب الطبيعية :

  • لأن الأطراف بتكون هى أكثر المناطق عرضة للتعرض للهواء البارد بشكل مباشر
  • ظاهرة رينودز وهى ظاهرة طبيعية تؤدى للبرودة والاحمرارفى الأطراف و أحيانا الألم الشديد

الأسباب المرضية :

من الممكن استمرار برودة الأطراف حتى مع اتباع كافة الاحتياطات وبتكون برودة الأطراف اشارة على مشاكل معينة زى :

  • قصور فى الدورة الدموية
  • الأنيميا
  • قصور فى الغدة الدرقية
  • مشكلات تتعلق بصمامات القلب
  • مرض السكر
  • الأثار الجانبية لبعض الأدوية
  • التدخين
  • التوتر النفسى
  • العمل فى جو بارد
  • بعض أمراض الروماتيزم

طرق العلاج :

من الممكن علاج برودة الأطراف الناتجة عن أسباب طبيعية عن طريق اتباع بعض النصائح المهمة :

  • التخلص من الوزن الزائد وعدم التدخين
  • الاهتمام بالتغذية المناسبة خصوصا الأغذية المحتوية على فيتامين B و C و مضادات الأكسدة
  • تجنب ارتداء الكعب العالى والملابس و الأحذية الضيقة لأنها تعيق وصول الدم للأطراف
  • تجنب الجلوس أو الوقوف لفترات طويلة و رفع الساقين لتحسين الدورة الدموية
  • نقع القدمين لعدة دقائق فى الماء الساخن ثم الماء البارد مع التدليك
  • ممارسة رياضة المشى
  • ارتداء قفازات لليدين والقدمين

فى حالة عدم ملاحظة تحسن بعد اتباع كل النصائح السابقة من الممكن التوجه لطبيب متخصص فى الأوعية الدموية و اجراء بعض التحاليل ، الطبيب هيقوم بفحص شرايين الأطراف و ممكن يوصفلك نوع من الأدوية الموسعة للأوعية الدموية و فى بعض الحالات النادرة والشديدة جدا ممكن يتم اجراء عملية جراحية لاستعادة طبيعة دوران الدم المعاق بواسطة انسدادات بالشرايين .

Share.

Comments are closed.