اشترك
Buy Neuth France products

بخطوات بسيطة تقدر تسعد زوجتك

0

الشعور بالسعادة في الحياة الزوجية امنية طبيعية عند كل المتجوزين بس في ناس بيحسوا ان حكاية ارضاء شريك الحياة دي صعبة ويمكن مستحيلة جايز بسبب صعوبات الحياة والمشغولية ويمكن لعدم وجود شعور ايجابي بين الطرفين,لكن احنا النهاردة هنساعدك انك تفرح قلب زوجتك وتخليها تحس بالسعادة معاك بخطوات بسيطة.

-حاول تحس بيها:
المرأة بتقدر الرجل اللي تلاقيه حاسس بيها خصوصا في اوقات ضعفها وتعبها وقلقها,لو حسيت انها متضايقة او تعبانة مجرد لمسة لطيفة او كلمة منك فيها اهتمام بيها بتخفف عنها كتير وبتسعدها.

-خليك ذوق معاها:
زوجتك اكيد تقدر انها تفتح باب العربية وهي خارجة منها وطبعا تقدر تشد الكرسي بنفسها قبل ماتقعد عليه وتلبس الجاكيت بنفسها لكن انت  لما تعمللها ده بيحسسها بتقديرك واهتمامك بيها.

-اهتم بأناقتك:
من اهم الحاجات اللي بتهم زوجتك هي انها تشوفك دايما انيق,مش ضروري بالملابس الغالية والماركات لكن باهتمامك بإن رائحتك دايما تكون حلوة وبإن حذائك يكون نضيف وملابسك مهندمة ومتناسقة,وممكن لو حسيت انها بتحب تشوفك بستايل لبس معين انك تلبسه اذا كنت بتحبه.

-اسمعها باهتمام:
زوجتك لما بتكون متضايقة مش بتكون محتاجة منك اكتر من انك تسمعها,مش ضروري تفكر في حل قد ماتحسسها انك مهتم بسماع مشكلتها.

-حسسها بجمالها:
لو لاقيتها في مرة لابسة حاجة جديدة او غيرت في تسريحة شعرها او لونه او جددت في مظهرها بأي شكل اهتم انك تمدحها لان اهتمامك بيسعدها جدا,ولو لاحظت عليها انها مهملة في نفسها بلاش تجرحها لكن ممكن تقولها:(انا بحبك وعلشان كده عايزك دايما انيقة وجميلة)

-جدد مشاعر الحب بينكم:
حتي لو مر علي جوازكم وقت طويل وحتي لو كنتوا مشغولين مجرد كلمة حلوة تقولها ليها او هدية ولو بسيطة او بوكيه ورد بتجدد مشاعر الحب وبتسعدكم ومش ضروري تستني عيد جوازكم او عيد ميلادها اعمل ده في اي يوم.

Share.

Comments are closed.