اشترك
Buy Neuth France products

امراض ومشاكل الاسنان

0

كتير من الناس بيكونو معرضين انهم تحصللهم مشاكل والام في اسنانهم يمكن بسبب قلة الاهتمام بيها او يمكن لاسباب تانية وللاسف مش بيكونو عارفين حلها او بيكسلو انهم يروحو للدكتور او مش بيكونو عارفين ايه هي انواع جراحات الاسنان وازاي يستعدو ليها. تابعونا علشان تعرفو اسباب الام الاسنان و افضل الوسايل لعلاجه وازاي تستعدو لجراحات الاسنان وايه اللي المفروض تعملوه بعدها.

اسباب الام الاسنان:
-الاهمال في غسيل الاسنان اللي بيسبب تسوسها.
-احيانا الالم بيكون سببه الاكلات الغنية بالسكريات او تناول مشروب بارد وده بيكون بسبب تسوس الاسنان.
-لو الالم بيحصل بسبب المشروبات الباردة فممكن يكون سببه حساسية اللثة او وجود مشكلة في عصب السنة.
-وجود خراج في اللثة وسببه تسوس الاسنان.
-الام ده له درجات وانواع مختلفة يعني ممكن يكون بيحصل بس وقت الاكل والشرب لكن بيروح بعد كده علي طول وممكن يكون
بيستمر مدة بعد الاكل والشرب وممكن يكون مستمر طول الوقت وده غالبا بيكون بسبب وجود تسوس بعصب الاسنان.
-ايا كان سبب الالم ومدي قوته واستمراره فيفضل استشارة الدكتور اول ماتحس بالالم علشان المشكلة ماتكبرش.

نصايح منزلية لتخفيف الم الاسنان:
لو حسيت بألم في اسنانك بالليل والوقت كان مش مناسب انك تروح للدكتور ممكن تعمل الحاجات دي لكن متستغناش بيها عن زيارة الدكتور.
-الملح:
دوب شوية ملح في كوباية مية واعمل عملية مضمضة هتحس ان الالم اخف.
-زيت القرنفل:
دوب نقطة او نقطتين من زيت القرنفل وحطهم علي مكان الالم لكن ماتكترش منه.
-بذور السمسم:
حط كمية من السمسم في وعاء فيه مية دافية واستخدمه كمضمضة.
-الزنجبيل:
مضغ الزنجبيل وهو طازج بيساعد علي تخفيف الالم.

اهم امراض الاسنان:

-مرض التهاب اللثة:
وده بيكون سببه الاهمال في نضافة الاسنان اللي بتؤدي لنمو البكتريا اللي بتسبب تهيج و نزيف اللثة وبالرغم من انه مش خطير لكن لو استمر بدون علاج ممكن يسبب فقدان الطبقة اللي بتدعم  الاسنان في النهاية.
اسبابه:
الاهمال في نظافة الاسنان وبعض العوامل الوراثية او بعض الادوية.
اعراضه
-تورم ونزيف في اللثة خصوصا اثناء غسيل الاسنان.
-روايح كريهة في الفم .
-تغير لون اللثة من اللون الوردي للاحمر الغامق.
علاجه:
-العلاج بيعتمد علي مقاومة البكتريا و التخلص من البكتريا  ومحاولة تخفيف تورم وانتفاخ اللثة وعمل جراحة لاعادة زرع اسنان من
جديد لو كان المريض فقد الطبقة الداعمة للاسنان.

-تسوس الاسنان:
هو عبارة عن ان بعض الاجزاء من الاسنان يحصللها تعفن وبتؤدي مع الوقت لوجود فراغات صغيرة او كبيرة في الاسنان.
اسبابه:
-الاهمال في غسيل الاسنان.
-كتر اكل السكريات.
اعراضه:
-الم عند اكل اي حاجة ناشفة او شرب مشروبات باردة او ساخنة والالم ده لو درجات بتختلف علي حسب مدي نمو التسوس في الاسنان
ولو ماتمش علاجه بسرعة بيزيد اكتر وممكن يوصل لجدور الاسنان او للعصب.
علاج تسوس السن:
العلاج بيختلف علي حسب درجة التسوس في الاسنان واذا كان التسوس بس في السطح الخارجي للسنة او اذا كان التسوس وصل للجدر
او تغلغل اكتر ووصل لعصب السنة,والعلاج ده ممكن يكون:
-علاج بالفلورايد.
-علاج بالحشو:في الحالة دي الدكتور بيخدر المناطق المحيطة بالمنطقة المطلوب حشوها وبيبدأ بتنضيف الاسنان من التسوس وبعدين
بيحط الحشو بشكل يتناسق مع بقية الاسنان.
-علاج جدر السن.
-علاج العصب:وده بيتم من خلال تنضيف الاسنان من السوس وبعدين عمل فتحة بيتم من خلالها سحب الاعصاب والاوعية الدموية
وبينتهي الحشو بعمل مادة عازلة.الموضوع ده ممكن ياخد جلسة واحدة وممكن ياخد اكتر من جلسة علي حسب موقع السنة اذا كانت
امامية ولا خلفية.العملية دي ممكن تكون مؤلمة شوية في الاول لكنها بتريح من الالم الشديد اللي بيكون سببه تسوس العصب.
-ازالة او خلع الاسنان وتركيب غيرها.
-ايا كانت نوعية العلاج فطبيعي جدا ان الشخص اللي خضع للجراحة دي يحس بعدم الراحة لمدة عدة ايام او ساعات بعد الجراحة لكن
الشعور ده بيروح بعد مدة قصيرة.

خراج اللثة:
وده بيكون عبارة عن تكون ورم او صديد علي شكل دمل علي اللثة وبيسبب الم خصوصا في مضغ الاكلات الناشفة او شرب المشروبات السخنة والباردة وممكن يسبب تورم في الخدين وصعوبة في الكلام.
اسبابه:
التسوس الشديد للاسنان او بسبب تعرض السن لضربة ممكن تسبب موت العصب وتحلله.
علاج خراج اللثة:
-ممكن يتم العلاج والخراج يزول باستخدام المضادات الحيوية لكنها مش دايما بتجيب نتيجة لان الخراج ممكن يرجع تاني.
-علاج عصب السن الملتهب.
-خلع السن وده بيسهل تصريف الخراج .
-شق نسيج اللثة المتورم للوصول للخراج وتصريفه.

ازاي تستعد لجراحة الاسنان:
لو بيحصللك نزيف في اللثة عند غسيلها فمن الافضل انك تهتم بتقوية اللثة علشان متحصلش مشاكل اثناء الجراحة وده من خلال :
-غسيل الاسنان بفرشة ناعمة لان الفرشة الخشنة بتزود النزيف.
-المواظبة علي غسيل الاسنان للحفاظ علي نضافتهم.
-الاهتمام بالاكلات الغنية بفيتامين C  زي البرتقال والليمون واليوسفي والجوافة.

تعمل ايه بعد جراحة الاسنان:
لازم تهتم كويس جدا بنضافتهم علشان المشكلة اللي حصلت مترجعش تاني ويفضل عدم اجهاد السن او الضرس اللي خضع للعملية بالمضغ عليه كتير لمدة يوم او اتنين بعد العملية واهتمو بالتغذية الصحية خصوصا الاكلات الغنية بالكالسيوم وفيتامينC .

لاحظ ان من الممكن تجنب كل مشاكل الاسنان لو اهتميت بنضافتهم باستمرار وركزت علي التغذية الصحية.

Share.

Comments are closed.