اشترك
Buy Neuth France products

امراض العين..ايه هي وازاي تتعالج ؟

0

عينينا دي هي المراية اللي بنشوف من خلالها الدنيا حوالينا علشان كده صحة عينيا مهمة وغالية جدا عندنا ومفيش شك ان كل انسان بيحلم ان عينيه تفضل سليمة ومظهرها صحي ويعرف يشوف الدنيا من خلالها كويس وبشكل صحي وطبيعي ,تابعونا علشان  تعرفو ايه اهم الامراض والمشاكل اللي بتصيب العين وافضل طرق علاجها .

اهم الامراض اللي بتصيب العين:
-كسل العين
:
مرض كسل العين ده هو عبارة عن ان الانسان يبقي عنده ضعف في النظر في عين من عينيه ,العين دي بيبقي اسمها(العين الكسولة),ومن اعراضه الشعور بإجهاد, الحكة والحرقان في العين,الموضوع ده من الممكن انكم تتجنبوه لو اخدتو شوية احتياطات في البيت ومكان الدراسة والشغل بتاعكم,لكن في بعض الاحوال بيكون كسل العين علامة علي وجود مشكلة صحية تانية محتاجة لعلاج ,لو عندك كسل العين ده بالرغم من انك بتريح عينيك كفاية يبقي لازم تاخد رأي الدكتور خصوصا لو حكاية كسل العين عندك مصحوبة بالشعور بصداع او رؤية مزدوجة في عينيك.
اسباب كسل العين:
– اجهاد العين بشكل زيادة عن الحد في حاجة زي القراية او السواقة او غيرها من الاعمال اللي بتحتاج من العين تركيز لمدة طويلة.
-تعريض العين لنور قوي او محاولة تركيز النظر في حاجة معينة في نور ضعيف او القراية في نور ضعيف.
-استخدام الكمبييوتر والموبايل والاجهزة الاكترونية لمدة طويلة خصوصا في محاولة قراية نصوص مكتوبة بخط صغير.
اعراض كسل العين:
-وجود التهاب في العين.
-صعوبة في التركيز.
-جفاف العيون.
-الرؤية المزدوجة.
-الحساسية من النور القوي.
-الم في الرقبة والكتفين والظهر.
الاعراض دي ممكن تخليك تنام بصعوبة وده بيسبب تهيج في العين.
علاج كسل العين:
-ممكن يتم من خلال ان الدكتور ينصح المريض بالاعتماد اكتر علي العين الضعيفة في النظر علشان تبقي اقوي وممكن استعمال نضارة طبية تساعد علي تصحيح مسار الرؤية في العين وممكن اللجوء لجراحة لتصحيح انحراف العين.
ازاي تتجنب الاصابة بكسل العين:
-حاول تبعد مسافة كافية عن شاشة التلفزيون والكمبيوتر
-اعتمد علي النور القوي اثناء القراية واستعمال الكمبيوتر والتلفزيون.
-ادي نفسك وقت تريح في عينيك وانت بتستعمل الكمبيوتر والتلفزيون.

عمي الالوان:
هو عدم القدرة علي تمييز الالوان زي الاحمر والازرق والاخضر او اي خليط بين الالوان دي وده بيسبب مشاكل في القراية والتعلم.
اسباب عمي الالوان:
السبب بيكون وراثي من اللحظة الاولي للولادة في اغلب الاحوال لكن في اسباب تانية زي:
-التقدم في العمر
-وجود اصابة في العين.
-وجود مشاكل في شبكية العين
-تأثير بعض الادوية.

ايه هي اعراض عمي الالوان:
-ممكن تكون بتعرف تميز بعض الالوان زي الازرق والاصفر لكن متعرفش تميز الاحمر والاخضر.
-ممكن تكون مش بتعرف تميز الدرجات المختلفة من الالوان.
-في حالات نادرة جدا الشخص اللي عنده عمي الالوان مش بيعرف يميز غير اللون الاسود والابيض والرمادي.
علاج عمي الالوان:
العلاج بيتوقف علي سبب المرض يعني لو سبب المرض وراثي بيكون من الصعب علاجه لكن لو مكتسب ممكن علاجه بالحاجات دي:
-لو المرض سببه تأثير اي نوع من الادوية ممكن توقف استخدامه لو امكن.
-استعمال عدسات او نضارات طبية خاصة تساعد علي التمييز بين الالوان.
-الاستعانة بنضارات واقية للحماية من اشعاعات الكمبيوتر والتلفزيون.
-الرؤية المزدوجة:
هي ان الشخص المصاب يشوف الحاجة الواحدة كأنها حاجتين وده ممكن يحصل طول الوقت او علي فترات منفصلة.
اسبابها:
-وجود مشاكل في قرنية العين.
-وجود مشاكل في سطح العين.
-ضعف عضلات العين.
علاجها:
ممكن يكون من خلال تمارين للعين او من خلال نضارات خاصة او اجراء جراحة للتخلص من اعتام عدسة العين

-مرض العشي الليلي:
هو ان المريض ميقدرش يشوف الحاجات بوضوح بالليل.
اسبابه:
-وجود تاريخ وراثي في العيلة.
-نقص في فيتامين أ
علاج العشي الليلي:
-تناول الاكلات الغنية بفيتامين أ زي الكبدة واللحوم.
-استبدال الجين المصاب بجين سليم.
-زرع خلايا سليمة داخل العين بدل الخلايا المصابة.

المياة البيضاء بالعين:
هي الشعور بوجود غيوم بعدسة العين وغشاوة في النظر لاي حاجة.
اسبابها:
-التعرض لاشعة الشمس مدة طويلة.
-الاصابة او اجراء جراحة في عدسة العين.
-الالتهاب المزمن في العين بسبب بعض الادوية.
-التقدم في السن.
-مرض السكر.
ازاي تتجنب تكون المياة البيضاء في العين:
-تناول الاكلات الغنية بمضادات الاكسدة زي الفواكة والخضروات.
-لبس نضارة شمس تكون جودتها مضمونة.
علاجها:
-استخدام النضارات الطبية والعدسات.
-اجراء جراحة لاستبدال العدسة اللي فيها المشكلة بعدسة سميكة.

Share.

Comments are closed.