اشترك
like Sofy on Facebook

الولادة الطبيعية بعد القيصرية (VBAC)

0

VBAC هو ولادة الطفل ولادة طبيعية بعد ما بتكون المرة الى قبلها ولادة قيصرية  وعادة ما بيكون آمن لكن من المحتمل برضه أن يكون ليه أخطار .علشان طفلك يوصل للدنيا بأمان و تكونوا أنتوا الأتنين بصحة كويسة أعرفى معانا أكتر عن فوائد و مخاطر الولادة المهبلية بعد القيصرية  و أيه هى المعايير اللازمة علشان الأ م تقدر تقدم طفلها التانى بالولادة الطبيعية .

 

  • بعد الولادة القيصرية بيكون للأم خيارين مع طفلها الثانى يأما الولادة القيصرية أو الولادة الطبيعية واللى بتتعرف وقتها بأسم VBAC  أو الTOLAC .
  • هل الVBAC بيكون أمان :

 

وجود الولادة المهبلية بعد وجود القيصرية ممكن يكون خيار آمن لمعظم لكن تحديد اذا كانت مناسبة أو لا بيعتمد على كذة حاجة زى ليه عملت عملية قيصرية فبل كده؟ و أيه عدد المرات اللى عملت فيها عمليات قيصرية ؟و رأى الدكتور المتابع ليكى و اذا كان فيه مخاطر ممكن تمنعك من الVBAC .

 

  • فوائد اجراء الVBAC :

فوائد الVBAC بالنسبة للولادة القيصرية :

 

  1. تجنب حدوث جروح أخرى على الرحم و ده مهم جدا و خصوصا لو فى تخطيط لحمل آخر فى المستقبل ممكن وجود جروح كتير يسبب مشاكل .

 

  1. ألم أقل بعد الولادة .

 

  1. هتحتاج الأم بعدها لعدد أيام أقل فى المستشفى وبعدها لفترة راحة أقل فى البيت .

 

  1. خطر أقل لحدوث أى تلوث بالجروح .

 

  1. دور أكثر نشاط بالنسبة للأم فى ولادة الطفل .

 

  • مخاطر اجراء ال VBAC :
  1. أكبر خطر هو أن جروح العمليات القيصرية من الممكن أنها تفتح وقت المخاض وعلى الرغم من أن ده نادر الحدوث لكن حدوثه بيسبب خطورة كبيرة على حياة الأم و الطفل وللسبب ده بنلاقى أن المستشفيات اللى بتعمل ال VBAC هى المستشفيات المجهزة لأجراء الولادة القيصرية بسرعة فى حالة الطوارىء .

 

  1. محاولة الVBAC و فشلها و اللجوء للولادة القيصرية بيسبب نسبة أعلى لحدوث بعض أخطار الأصابة بالتلوث .

 

  • و فى النهاية لازم يكون القرار ده مشترك مع الدكتور المتابع لحالتك لأنه بيحدد لك الأنسب و الأفضل لحالتك و لصحتك .

Share.

Comments are closed.