اشترك
like Sofy on Facebook

النوم طاير من عينك..اعرف السبب

0

لو كنت بتعاني من صعوبة في النوم وبتقلق بالليل وبتنام بصعوبة واكيد طبعا نفسك تنام نوم هادئ وتشبع نوم عشان تصحي نشيط وتقدر تمارس مهامك بهمة ونشاط  ,اعرف معانا شوية نصايح هنساعدك انك تغير من اسلوب حياتك وبعض السلوكيات الغلط اللي بتخليك تنام بصعوبة .

1- اذا كنت بتسهر بالليل في اجازة اخر الاسبوع وبتعاني من صعوبة في النوم خلال الاسبوع فأكيد ده  هيسببلك قلق في النوم عشان كده لازم تحاول تنام وتصحي في مواعيد ثابتة عشان جسمك يتعود علي كده ومتشعرش بالارهاق

2- تأثير الكافيين ممكن يستمر لساعات طويلة بعد شربه,يمكن ل 24 ساعة .والكافيين مش بس بيسب صعوبة ومتاعب في النوم لا ده بيسبب متاعب صحية تانية متكررة .الكحول ممكن يكون له تأثير مسكن بعد ساعات قليلة من استهلاكه لكنه بيسبب حالة من عدم الراحة في النوم . اذا كنت بستسخدم ادوية بتعمل كمنشطات زي مزيلات الاحتقان او علاج مرض الربو فلازم تشتشير طبيبك في الميعاد الامثل اللي تاخد فيه الادوية دي عشان متأثرش علي نومك .

3-اذا كنت فاكر ان قليل من القيلولة ممكن تساعد علي النوم فمش دايما ده صح . لازم تعود جسمك علي النوم في مواعيد ثابتة ومريحة ومناسبة للنوم في الظلام. القيلولة ممكن تأثر علي نومك بالليل  بهدوء
4-ممارسة التمارين الرياضية باستمرار بتساعد النوم الهادئ لكن مع ذلك ممارسة التمارين الرياضية قبل النوم علي طول بتنشط الجسم وتخليك تقلق بالليل . ممارسة التمارين الرياضية قبل النوم ب 3 ساعات علي الاقل بتساعد علي النوم الهادئ

5-السرير هو فقط للنوم . بلاش تذاكر او تتكلم في التليفون او تتفرج علي التلفزيون في حجرة النوم . لان ده بيساعد علي اليقظة وبيخليك تقلق بالليل.

6- انك تتعشي متأخر ده بينشط الجهاز الهضمي في جسمك ويخليك متنامش بسهولة.اذا كنت بتعاني من التهاب في المعدة او الام في القلب فمن باب اولي انك متاخدش عشاك بالليل متأخر وتنام لان ده هيخليك تتعب اكتر.شرب سوايل كتيرة قبل النوم علي طول بيخليك تصحي كتير عشان تدخل   الحمام واكيد ده بيأثر علي نومك

7- اضطرابات درجة الحرارة والاضاءة القوية والاصوات المزعجة اكيد بتأثر علي نومك .عشان كده  لازم تتحكم فيهم قبل دخولك للنوم عشان تعرف تنام بسهولة . سريرك لازم يكون مريح ولو عندك في البيت حيوان اليف خليه ينام في مواعيد نومك او خليه في اوضة منفصلة قبل ماتروح لسريرك.

8-لو لقيت نفسك وانت علي السرير عمال تفكر في بكرة فحاول تقعد شوية بعد العشاء تسترجع يومك وتخطط لبكرة عشان تعمل الحاجات دي قبل النوم ومتفكرش كتير وانت علي السرير.ومن المفيد ليك برضه انك تفكر هتعمل ايه  بكرة قبل ماتسيب الشغل . الخطوة دي بتساعدك علي انك تقدرتنام  بسهولة من غير قلق.

9-في حاجات كتير تقدر تعملها تديك استرخاء وتساعد عقلك علي الراحة قبل النوم .من الحاجات دي انك ترخي عضلاتك وتسمع مزيكا هادية وتدريبات التنفس بعمق والتأمل والذكريات الحية.

10-حاول تتعرف علي افكارك السلبية بسرعة وعالجها لانها اكيد بتؤدي للارق وبتخليك تنام بصعوبة.بالاضافة لكده  : معالجة افكارك والتعرف علي العلاج بسرعة بيساعدك علي التعرف علي معايير نومك وتغير ظروف نومك باختلاف المرحلة العمرية اللي انت بتمر بيها.وكمان معالجة ومراجعة افكارك باستمرار بيساعدك علي انك توفق ظروف نومك ومواعيده مع بقية الحاجات اللي انت عايز تعملها.

Share.

Comments are closed.