اشترك
Buy Neuth France products

المية هتخليكي أجمل

0

المية مش بس مفيدة لصحتنا، دي كمان سر جمالنا. بنقدملك أسرار جمالية للمية لما تقرأي الموضوع ده.

لو عايزة تظهري أصغر وأجمل وبصحة أفضل ، المية هتساعدك على ده بشوية خطوات بسيطة .

بالنسبة لشعرك :

  • لو عايزة شعرك يكون لامع، إستخدمي المية الباردة اللي هتضيق مسام طبقة الشعر و هتخليه يكون لامع وإنسيابي
  • لوهتنزلي البحر أو البيسين، بلى شعرك بالمية كويس, ده هيخليه يمتص المية وميقدرش يمتص كم كبير من المية المالحة
  • لو عايزة شعرك يكون “Curly ” , إستخدمي المية وده لأن خيوط شعرك عبارة عن جزيئات متحدة من الهيدروجين اللي بتتفرق لما شعرك يكون مبلول ولما ينشف هيفضل محافظ على الشكل اللي أتكون
  • قل إستخدام الزيت أو السيروم، بلي شعرك والمية هتمتص الزيت او السيروم فيدوم الترطيب لوقت أطول

بالنسبة لبشرتك :

  • شرب المية الكتير بيعمل على ترطيب الجلد بصورة طبيعية
  • إستخدام المية الباردة بشكل منتظم حول العين بيرطب الجفون ويخلي مظهر عيونك أجمل
  • للحفاظ على البشرة من التجاعيد وتنقيتها من السموم، إعملي حمام بخار لوجهك لتنقيته وبعديه أشطفي وجهك بمية باردة عشان تعملي صدمة للجلد فيتشد ويمنع ظهور التجاعيد

وعشان صحتك :

  • داومي على السباحة، لأن المية مقاومتها بتساوي 12 مرة مقاومة الهوا وده هيقوي عضلات جسمك اللي بتحاول تقاوم المية في كل حركة
  • لو بتحاولي تخسي، إحرصي على تناول الفاكهة والخضروات الغنية بالمية، اللي هتساعد في إخفاء آثار التمدد والخلايا الدهنية في بشرتك
  • صوت المية والموج بيقلل من التوتر، فحتى لو في الشغل أو البيت إسمعي تراكات لصوت المية
  • داومي على الاستحمام بالمية الدافية لأنها بتساعد على النوم العميق

Share.

Comments are closed.