اشترك
Buy Neuth France products

المشكلات الصحية الرمضانية وإزاي تتغلب عليها

0

مع إن الصوم ليه فوايد كبيرة للنفس والجسد، لكن في بعض المشكلات الصحية اللي ممكن تصيب الصائمين. الحل موجود لما تقرا الموضوع ده.

من المشكلات اللي ممكن تواجه الصائم :

  • حرقة المعدة : الصوم بيقلل من إفراز المعدة للحمض المسؤل عن عملية الهضم وده بيحمي من الأصابة بحرقة المعدة،لكن الأكل الزائد ، المقليات ،التدخين والكفايين ممكن يصيبوا الصائم بحرقة المعدة.ساعد نفسك في التغلب عليها بزيت النعناع والنوم ورأسك مرفوعة على وسادة عالية،و على الأشخاص اللي بيتناولوا أدوية لعلاج حرقة المعدة الأستمرار في تناولها قبل الإفطار وبعد السحور
  • الصداع : وده ليه أسباب كتير منها الجوع والعطش، الإحتياج للكفايين والنيكوتين لو معتاد عليهم أو عدم النوم بصورة منتظمة. متفوتش السحور أبدا وكتر من السوائل وأبعد عن آشعة الشمس المباشرة عشان تقدر تقلل من وجود الصداع
  • الجفاف : وده لأنك بتفقد كتير من السوائل أثناء عملية التنفس، التعرق والتبول مع عدم الحصول على القدر الكافي من المياه اللي محتاجها جسمك بعد الفطار فممكن تشعر بالدوخة والشد العضلي وأحيانا الإغماء. وفر لجسمك إحتياجه من المية والسوائل وقت الفطار
  • الإمساك : وده تقدر تغلب عليه لو كترت من الفاكهة والخضار الغنية بالسوائل والألياف مع الحفاظ على روتينك الحركي اليومي عشان يعمل جهازك الهضمي بشكل صحيح
  • السمنة : ودي سببها الزيادة الكبيرة اللي بتحصل في كم الأكل اللي بيتخزن في الجسم وبيكون صعب الحرق، حاول تحافظ على المعدل الطبيعي ليك في الكل وتقلل من السكريات
  • الإجهاد والأرهاق النفسي : بسبب تغير روتينك في الأكل والنوم وده حله إنك تنتظم في مواعيد نومك وتبعد عن أي مسببات للضغوط النفسية وعدم ممارسة الرياضة في الشمس

Share.

Comments are closed.