اشترك
like Sofy on Facebook

الكلام ليك وليها .. عيشوا شتاء مختلف

0

كل سنة مع بداية فصل الشتاء بنفتكر الايام اللى بيبقى كلها كسل و مش عايزين نتحرك فيها من مكاننا والمسئوليات اللى بتتاجل  , بنفتكر قائمة الامراض الطويلة اللى بنكون معرضين ليها و متوقعينها , بنفتكر البرد و السقعة , بنفتكر الاكتئاب و تغيير مزاجنا , بنفتكر بشرتنا و الجفاف اللى بتكون معرضة ليه .

 خلينا نتفق على ان الشتاء السنة دى هيكون مختلف و هيكون كله نشاط وفرحة ومش هيكون فيه امراض كتير ,تابعوا معانا ازاى ممكن نستعد لفصل الشتاء و نواجه اى مشكلة فيه.

  • لشتاء مختلف :

(الشتاء فصل من اجمل فصول السنة بس محتاج شوية استعدادات بسيطة ) هنخلى ده شعارنا للمرحلة اللى جاية و هنعرف اهم النصائح اللى هتساعدنا فى بداية فصل الشتاء :

  1. تجهيز الملابس :

اول حاجة تجهيز الاغطية المناسبة و الثقيلة و اللى بتساعد فى الحصول على الدفء و تجهيز المعاطف و الالبسة الصوفية اللى بنحتاجها وقت الخروج وخصوصا للاطفال اللى ممكن يتعرضوا لوعكات صحية .

  1. المنزل :

مهم جدا فى فصل الشتاء مراعاة تهوية المنزل كل يوم على الاقل لمدة 10 دقائق وطبعا الاهتمام بتدفئة المنزل بدرجة حرارة مناسبة من 20-24 درجة مئوية .

  1. الغذاء المناسب و تحفيز جهاز المناعة :

بينتشر فى فصل الشتاء امراض كتير زى البرد والانفلونزا علشان كدة صحة الجهاز المناعى و تنشيطه مهمة جدا ونقدر اننا نحفز عمله عن طريق شوية نصائح غذائية :

  • الاهتمام بوجبة الافطار اللى بتزود الجسم بالنشاط و الطاقة .
  • الاكثار من تناول البروكلى و القرنبيط و الخس و الفجل .
  • الاهتمام بتناول الفواكه اللى بتحتوى على كمية كبيرة من فيتامين c زى البرتقال و الجوافة و االليمون و اليوسفى .
  • شرب كميات مناسبة من الماء ما تقلش عن 2 لتر يوميا .
  • شرب عصير الليمون لانه بيقلل من حموضة الجسم و بيقضى على البكتريا و الفيروسات .
  • تناول البروتينات الغذائية .
  • التقليل من شرب القهوة .
  • شرب مشروبات الشتاء زى الينسون و هو طارد قوى للبلغم و مهدى للسعال و الربو .
  1. اتجنب الاصابة بالامراض :
  • عدم الجلوس فى مكان مغلق و عدم اغلاق جميع النوافذ .
  • عدم التعرض لاختلاف كبير فى درجة الحرارة زى الانتقال بسرعة من مكان بارد الى مكان دافىء بصورة مفاجئة و العكس صحيح .
  • عدم تكرار او صرف الادوية بدون استشارة الطبيب .
  • عدم تقبيل الاشخاص بصورة متكررة و خصوصا الاطفال .
  • التقليل و التوقف عن التدخين لانه بيضعف مناعة الجسم .
  • استخدام قناع الانف و الفم خلال الاصابة بالمرض .
  • عدم مشاركة الاغراض الشخصية مع الاخرين زى الكوؤس و المناشف .
  1. الاهتمام بالنظافة :
  • الاهتمام بغسل و تنظيف اليدين لان اللمس من اهم طرق انتقال الامراض فمهم غسل اليدين باستمرار بعد العودة من السوق ووسائل النقل و بعد تنظيف الانف و حمل الاطفال .
  • استخدام المطهرات فى تنظيف المنزل لقتل الجراثيم و التخلص منها .
  1. التطعيمات :

متابعة التطعيمات سواء كانت الدورية الخاصة بالاطفال او التطعيمات الحديثة بسبب اى فيروس جديد .

  1. الرياضة و النشاط :

ممارسة الرياضة بانتظام فى فصل الشتاء مهمة جدا لصحتنا لانها بتساعد على التخلص من التوتر والقلق و الاكتئاب الموسمى و بتحمى الجهاز المناعى و بتقلل من خطر الاصابة بنزلات البرد و بتحفظ الجسم دافىء و نشيط لفترات طويلة .

  1. البشرة :

بتحتاج البشرة لعناية كبيرة فى فصل الشتاء ولازم نراعى :

  • استخدام المنظفات بشكل يومى لانها بتساعد على تطهير البشرة يوميا من الميكروبات .
  • بتتعرض البشرة للجفاف بدرجة كبيرة فى فصل الشتاء فمن الافضل استخدام الكريمات المرطبة بصفة مستمرة واللى بتتناسب مع طبيعة كل بشرة علشان تساعدها انها تتغلب على الجفاف .
  1. النوم :

النوم و الراحة الكافية للجسم مهمين جدا فى فصل الشتاء علشان الجسم يكون بكامل طاقته و نشاطه طول اليوم ويفضل يكون وقت النوم من 6-8 ساعات يوميا .

Share.

Comments are closed.