اشترك
Buy Neuth France products

الكعب العالي..اضراره وازاي تلبسيه بأمان

0

كتير من السيدات والبنات بيشوفو ان لبس الكعب العالي هو من اهم اساسيات الشياكة والانوثة خصوصا في المناسبات الرسمية والحفلات والسهرات الليلية لكن للاسف مش بيكونو عارفين ايه هي اضراره مش بس علي القدمين لكن كمان علي مناطق كتيرة في اجسامهم بتكون معرضة للضرر بسبب لبس الكعب العالي. والحقيقة ان معظم انواع الكعب العالي مديونة للنساء بكتير من المعاناة والمشاكل الصحية .لكن مش كل انواع الكعب العالي مضرة في انواع امنة خصوصا لو اتلبست صح. تابعو معانا المقالة دي واعرفو ايه هي اضرار لبس الكعب العالي وازاي تلبسوه من غير مايضركم وايه افضل انواعه واكترها امان لصحتكم .

ايه هي اكتر انواع الكعب العالي والاحذية اللي بتسبب ضرر:
-الكعب اللي ارتفاعه بيزيد عن 3 سم او 4 سم.
-الكعب اللي بيكون نعله ناشف علي منطقة باطن القدم.
-انواع الاحذية اللي بتكون مدببة من قدام(اللي بتكون علي شكل مثلث من قدام وعلي شكل رقم 8)
-ارتداء الكعب بشكل يومي والمشي والوقوف بيه مسافات طويلة بيزود من مشاكله الصحية.

اضرار لبس الكعب العالي:
-بيعرض اكتر لمشاكل التواء الكاحل اللي في كتير من الاوقات بتحتاج لفترة راحة الي جانب العلاج الطبيعي.
-بيسبب الام ومشاكل في العمود الفقري والام في الظهر خصوصا مع لبسه لمدة طويلة وعدم الوقوف مستقيمة.
-بيسبب مشاكل في اربطة القدم
-بيؤدي لالام وتشوهات في منطقة مشط القدم لانه بيسبب ضغط شديد عليها خصوصا الانواع شديدة العلو والانحدار منه.
-بيسبب الام في منطقة الركبة وعظام الفخذ خصوصا عند المشي بيه مسافات طويلة.
-ممكن يسبب مشاكل للمرأة لو ارتدته وقت قيادة السيارة بسبب انزلاق الحذاء اثناء القيادة وده ممكن يؤدي لحوادث طرق كتيرة.
-بيسبب تقوسات للظهر وده بيسبب دفع القفص الصدري لقدام وده بيسبب خلل في توزيع الجسم علي باطن القدم.
-بيسبب تشققات في الكعبين خصوصا انواعه اللي بتكون ناشفة علي باطن القدم.
-بيسبب مشاكل في الرحم بسبب ضيق الزاوية بين منطقة الفخد ومنطقة الحوض وممكن تؤدي لانقلاب الرحم او علي الاقل الام في
منطقة الحوض واسفل البطن.
-بيزود من احتمالات الاصابة بمرض هشاشة العظام في سن مبكر خصوصا عند النساء اللي بيلبسوه بشكل يومي.

لكن في الحقيقة ان الكعب العالي مش كله اضرار بالعكس ممكن يكون له فوايد في حالة ارتدائه بالشكل المناسب لو كنتي متمسكة بلبسه او لو طبيعة شغلك وحياتك بتضطرك انك تلبسيه باستمرار ومن الفوايد دي انه بيحمي باطن قدمك من الاحتكاك بالارض وانه ياخد تراب من الارض.

ازاي تلبسي الكعب العالي بأمان:

-من الافضل انك متلبسيهوش بشكل يومي واستبدليه بأنواع من الاحذية المريحة اللي برضه فيها شياكة
-يفضل انك متمشيش بيه مسافة طويلة ومتقفيش بيه كتير وتريحي رجلك من وقت للتاني.
-ممكن تلبسي حاجة مريحة لحد ماتوصلي مشوارك وتحطي الحذاء اللي كعبه عالي في شنطة وبعدين تلبسي الكعب لما توصلي مشوارك
-خاللي وضع جسمك مستقيم علشان ميسببلكيش مشاكل في ظهرك وعمودك الفقري.
-يفضل لو كنتي مش من محبي لبس الكعب او مش مدربة عليه بس مضطرة انك تلبسيه علشان عندك مناسبة انك تتدربي علي المشي بيه
في البيت علشان ميسببلكيش الام وصعوبة في المشي وبلاش تبدأي بلبس كعب اعلي من 3 سم او مش مريح ليكي.
-اعرفي ان الكعب مش مناسب لركوب المواصلات ولا انك تروحي بيه الجامعة وتطلعي وتنزلي سلالم كتير ولا طبعا انك تلعبي بيه
رياضة.
-يفضل ان ارتفاعه مايزيدش عن 3 سم.
-اختاري انواع الكعب اللي نعلها مصنوع من الجلد لانها مريحة اكتر للكعب وباطن القدم.
-بلاش الكعب وانواع الحذاء اللي بتكون مقفولة بشكل مدبب من قدام وعلي شكل مثلث لانها بتؤدي لالام في مشط القدم.
تعملي ايه لو حسيتي بالم او مشاكل بعد لبس الكعب:
-اعملي تمارين تساعد علي تقوية و مرونة عظام الكاحل علشان تحميه من اي التواء يتعبك في مشيتك.
-دلكي العضلات اللي وجعاكي برفق لان ده بيريحها.
-اعملي تمرين الوقوف علي اطراف الاصابع وبعدين تحطي كعبك علي الارض لانه بيدي مرونة لمشط القدم.
-لو حسيتي بالام في الظهر او القدمين اهتمي بتدفئتهم كويس من خلال استعمال المية السخنة لانها بتريح وبتخفف الالم.
من الافضل ليكي انك مترجعيش للبس الكعب غير بعد الالم مايزول.

Share.

Comments are closed.