اشترك
like Sofy on Facebook

الفروق بين ادوار البرد والحساسية

0

كتير من الناس مش بتقدر تفرق بين البرد والحساسية وده لتشابههم في كتير من الأعراض، لكن التشابه ده بيعوق عملية الشفاء. اعرف اكتر لما تقرا الموضوع ده.

البرد والحساسية بيتشابهوا جدا في الأعراض اللي منها :

  • العطس
  • السعال
  • سيلان الأنف

إزاي اقدر أتأكد إني مصاب بالحساسية ؟

  • وجود الهالات السودا حول العين بسبب كثرة حك العينين
  • أستمرار أحتقان الأنف لأكتر من أسبوعبن مع الصداع
  • وجود طفح جلدي ناتج عن الحكة خصوصا للي بيعانوا من حساسية ضد المواد الكيميائية الموجودة في الصابون، الألياف الصناعية أو من وبرالحيوانات
  • خلايا النحل : وهو طفح جلدي يستمر من عدة ساعات لأيام خصوصا للي بيعانوا من حساسية ضد بعض الأطعمة والأدوية ولدغ الحشرات
  • صعوبة في التركيز والنوم والشعور الدائم بالإرهاق

وفي اعراض تانية مش مرتبطة بالبرد أو الحساسية :

  • صعوبة البلع : بيكون سببها وجود بكتيريا في الحلق او الحنجرة ودلازم يتم اخذ علاج تحت اشراف الطبيب
  • وجود صفير وضيق التنفس : ممكن يكون سبب لوجود بعض أمراض الجهاز التنفسي زي الألتهاب الرئوي والتهاب الشعب الهوائية
  • وجود الحمى : ممكن يكون دليل على الأصابة بالأنفلونزا

التعافي من الحساسية بيرتبط بإبعاد المسبب ليها زي الأتربة، حبوب اللقاح، وبر الحيوانات. وفي بعض الأشخاص بتصبح الحساسية عندهم مزمنة لو المسببات دي فضلت موجودة مدة طويلة

لعلاج أحتقان الأنف بسبب الحساسية والبرد يمكن باستخدام البخاخات مضادات الاحتقان الأنفية مدة متزدش عن 3 أيام وإلا هتؤدي لنتيجة عكسية مع عدم إعطائها للأطفال أقل من 4 سنوات، وبيفضل بدل منها بخاخات المحلول الملحي لأنها مناسبة جدا لجميع الأعمار وملهاش أي آثار جانبية

Share.

Comments are closed.