اشترك
Buy Neuth France products

الفتق السري عند الاطفال

0

الفتق السري هو من اشهر الامراض اللي بيتعرض ليها الاطفال الرضع بعد مدة قصيرة من الولادة،تابعينا علشان تعرفي ايه هو الفتق السري عند الاطفال وبيحصل نتيجة لإيه وازاي تتعاملي مع الحالة دي عند طفلك .

ايه هو الفتق السري عند الاطفال:
الفتق السري هو عبارة عن بروز او انتفاخ في جدار البطن في منطقة السرة عند الطفل بعد سقوط بقية الحبل السري ودي حالة شائعة جدا بين الاطفال بعد الولادة وبتحصل تقريبا عند 20% من المواليد الجدد بعد اسبوع او اتنين من الولادة وبيبان البروز اكتر لما يبدأ الطفل في البكاء او الضحك.

ايه اسباب الفتق السري عند الاطفال:
خلال تطور الجنين في فترة الحمل بيكون في فتحة صغيرة في عضلات البطن بتسمح بمرور الحبل السري لتوصيل الاوعية الدموية من الام للجنين,ومع نمو الطفل بعد الولادة المفروض ان الفتحة اللي في عضلات البطن دي تتقفل،لكن في بعض الحالات الفتحة دي مش بتتقفل فبيحصل الفتق السري,والاطفال المولودين قبل معادهم بيكونوا معرضين ليه اكتر من الاطفال العاديين,وممكن يحصل نتيجة اصابة الطفل بإمساك او سعال مستمر,في بعض الحالات بيحصل نتيجة عيب خلقي في جدار البطن وده غالبا بيكون وراثي.

امتي بيكون التدخل الجراحي ضروري لعلاج الفتق السري:
مشكلة الفتق السري عند الطفل بتتحل في اغلب الحالات في سن 12 شهر لكن الجراحة ممكن تكون مطلوبة في بعض الحالات زي:
-ان الانتفاخ(الفتق)يكبر عند الطفل في عمر سنة او سنتين.
-ان الانتفاخ مايروحش في سن 4 سنين.
مفيش داعي انك تحطي قطعة عملة علي مكان الانتفاخ لان ده بيزود المشكلة وبيسبب ألم للطفل.

التدخل الجراحي بيكون عبارة عن ايه:
التدخل الجراحي بيكون من خلال عملية بسيطة جدا بتستغرق حوالي من 20-30 دقيقة (غير فترة التحضير قبل العملية والملاحظة بعدها)وبتتم الجراحة من خلال فتح شق صغير في قاعدة السرة واعادة الانسجة لتجويف البطن و ربط الفتحة في جدار البطن بخيوط قوية والطفل بيرجع البيت عادي جدا في نفس اليوم والعملية بسيطة جدا ومش بتسبب اي ألم او مضاعفات لكن في حالات قليلة جدا بيحصل الم بسيط لكن  بيروح بعد ايام قليلة من العملية.

ازاي تتجنبي ان طفلك يحصلله فتق في السرة:
اهتمي بنضافة منطقة السرة عند طفلك باستمرار بالصابون والمية والمطهرات حتي لو معندوش فتق سري.

 

Share.

Comments are closed.