اشترك
like Sofy on Facebook

العناية بالبشرة فى فصل الشتاء

0

كتير من الناس وخصوصا البنات والسيدات بيشتكوا من جفاف البشرة فى فصل الشتاء ودة ممكن يؤدى لحدوث خشونة فى البشرة وبيأذى مظهرها كمان ممكن يؤدى لحدوث قشور وتشققات فى الجلد فضلا عن احتمالية تطور الجفاف للإصابة بالإكزيما .

لو كنتى بتعانى من المشكلة دى اتبعى النصائح الجاية عشان تحافظى على صحة ونضارة جلدك فى فصل الشتاء:

  • رطبى بشرتك باستمرار:

من الممكن انك تلاقى مرطبات كتير تناسب بشرتك فى فصل الصيف ، لكن مع قدوم فصل الشتاء ممكن المرطبات  دى تكون مش مناسبة لبشرتك ، وبالتالى عليكى انك تغيرى روتين العناية ببشرتك .

استخدمى مرطبات تتكون من الزيوت لأنها بتساعد على تكوين طبقة تحمى جلدك وتساعد على الإحتفاظ بترطيبه أكتر من أى كريم أو لوشن عادى .

اختارى الزيوت المناسبة لبشرتك عشان متسببش انسداد للمسام زى زيت الأفوكادو و زيت اللوز ممكن تؤدى لسد مسام بشرتك .

  • حافظى على ترطيب ايديكى :

اهتمى بترطيب ايديكى لأنها تحتوى على غدد دهنية أقل من باقى جسمك والجلد فيها أضعف من باقى الجسم

  • تجنبى ارتداء جوارب أو قفازات مبللة لأنها ممكن تسبب جفاف أو حكة فى بشرتك
  • اشربى كمية كبيرة من الماء لتحسين صحتك العامة وبشرتك كمان
  • اهتمى بترطيب قدميكى :

استخدمى الفازلين أو المنتجات المحتوية على الجلسرين لترطيب قدميكى فى فصل الشتاء وقومى بعمل تقشير بانتظام لأزالة خلايا الجلد الميت .

  • تجنبى الإستحمام بالماء الساخن لفترة طويلة لأنه ممكن يزود من جفاف بشرتك و الأفضل تاخدى حمامك باستخدام الماء الفاتر واستخدمى المرطب الخاص بيكى بعد الحمام .
  • اهتمى بتقشير بشرتك وتجنبى استخدام المقشرات القاسية أو المحتوية على الكحول ولكن استخدمى المقشرات والأقنعة التى تحتوى على نسبة عالية من الترطيب .

Share.

Comments are closed.