اشترك
Buy Neuth France products

العمليات الجراحية لفقدان الوزن !!

0

عشان تخس لازم تلتزم بنظام غذائي وتمارس الرياضة وده اللي ناس كتير بتعمله . لكن في حالات ممكن الطريقة دي متجبش نتيجة معاهم ويكونوا بيعانوا من مشاكل صحية كتير بسبب السمنة.

في الحالة دي ، العمليات الجراحية لفقدان الوزن بتكون هى الحل .

لكن مش كل الأشخاص يناسبهم الحل ده ،لازم الجراح يتناقش مع المريض ويشوف ايه اللي يناسبه من انواع العمليات دي.

لأن جراحة فقدان الوزن ممكن تكون منقذة للحياة،لكن بتتطلب من الشخص انه يكون ملتزم مدى الحياه بنظام غذائي سليم ونمط حياه صحي .

مزايا جراحة فقدان الوزن:

– تحسين الصحة العامة

– الحد من الاصابة بالأمراض المرتبطة بالزيادة في الوزن، مثل ارتفاع ضغط الدم وأمراض القلب والسكري وهشاشة العظام وانقطاع النفس أثناء النوم

– تقليل الحاجة للأدوية

 

أنواع العمليات :

    النوع الأول : تحويل المعدة :  Gastric Bybass Surgery  

 Picture1

وفي العمليه دي مش بيتم إزالة أي جزء من المعدة جراحيا ،لكن بيعمل زي تدبيس لجزء كبير    من المعدة ،ويخلى جزء بسيط منها هو اللي بيقوم بعملية الهضم ،وبكده هيقلل من الشهية وتناول الأكل .الجزء الصغير ده من المعدة بيتوصل بالأمعاء الدقيقة،والمعده الصغيرة دي هتاخد كمية أقل من الأكل وهتمتص كمية قليلة من المغذيات والسعرات الحرارية. وبالتالي هيقل الجوع وتناول الطعام، وممكن يفقد من 55 إلى 65 في المئة من الوزن الزائد خلال  سنة واحدة. ونظرا لانخفاض امتصاص المواد المغذية الغذائية، ممكن يحصل نقص في الفيتامينات لو الشخص ملتزمش بالمكملات الغذائية .

 

تعتبرعملية تحويل المعدة حل نهائي وعلاج دائم لمرضى السكري، وده بسبب امتصاص كمية أكل قليلة وبالتالي ممكن المريض يتناول كميات من السكريات ولكن هيكون امتصاصها بكميات قليلة وبكده بيتم علاج السكري بشكل نهائي .

بتحتاج عملية تحويل المعدة للبقاء لمدة يوم أو يومين في المستشفى. وبيتم استخدام التخدير الكامل أثناء الجراحة. ممكن يستغرق التعافي الكامل من أسبوعين إلى خمسة أسابيع لغاية لما يتمكن المريض من الرجوع لأنشطته العادية .

 

النوع الثاني : ربط المعدة : Adjustable Gastric Band Surgry

Picture2

عملية ربط المعدة ،هى وضع حلقة سيليكون قابلة للتعديل حول الجزء العلوي من المعدة،يتم عمل شقوق صغيرة في الجلد عشان يدخل الحلقة بالمنظار، الحلقة دي بتعمل زي معدة صغيرة في الجزء العلوي من المعدة،لكن حجم المعده نفسها مش بيتم إزالة أي جزء منها جراحيا، الجزء الصغير من المعدة اللي كونته الحلقة بيسبب الشعور بالامتلاء والشبع بعد تناول كمية قليلة من الأكل . بعد الجراحة، ممكن يتم تعديل ضيق الحلقة عن طريق حقن أو سحب المياه المالحة من خلال منفذ مزروع تحت الجلد مباشرة ،ممكن يتم حقن المياه المالحة في مكتب الطبيب. المرضى اللي بيلتزموا بنظام غذائي صحى ممكن يفقدوا ما بين 30 ل 40 في المئة من الوزن الزائد مع عملية ربط المعدة. فقدان الوزن مع عملية ربط المعدة بيستغرق فترة طويلة شوية ممكن تصل إلى خمس سنوات.

تستغرق الجراحة عادة 45 دقيقة إلى ساعة بيتم خلالها استخدام تخدير كامل .المرضى ممكن يرجعوا لبيوتهم في نفس اليوم ،والتعافي خلال أسبوعين تقريبا .

المضاعفات مع جراحة ربط المعدة قد تشمل انزلاق الحلقة ، تآكل الحلقة في المعدة، أوالمشاكل المتعلقة بالمنفذ زي النزيف أو العدوى .

 

النوع الثالث : تكميم المعدة : Vertical sleeve gastrectomy       

Picture3

العملية دي بيتم فيها استئصال جزء من المعدة أثناء الجراحة. الجزء الصغيرالمتبقي من المعدة بيتوصل بالأمعاء. حجم المعدة اللي بيفضل بيكون صغير، وبالتالي هيؤدي لتقليل كمية الأكل والشعور بالشبع خلال فترة قصيرة،وبتقوم المعدة الصغيرة بامتصاص كل المغذيات.

الجراحة عادة بتستغرق 60 دقيقة ، وبيكون التخديركامل.

عملية تكميم المعدة ممكن تكون بديل لعملية ربط المعدة في بعض الحالات .

فترة الاستشفاء داخل المستشفى حوالي يومين، مع فترة تتراوح بين أسبوعين وثلاثة أسابيع للشفاء التام. هيفقدوا المرضى من 40 إلى 55 في المئة من وزنهم الزائد بعد سنة أو سنتين من الجراحة .

المضاعفات مع عملية تكميم المعدة ممكن تشمل فتق مكان العملية أوالإرتداد المريئي .

إيه هو النظام الغذائي وإيه هي الفيتامينات المطلوبة بعد عمليات فقدان الوزن ؟!

مباشرة بعد الجراحة، معظم المرضى لازم يلتزموا بنظام غذائي سائل وده بيكون في الأسابيع الأولى ، وبعدين بتيجي مرحلة الأطعمة المهروسة لمدة ستة أو ثمانية أسابيع ، وأخيرا تيجي مرحلة الأطعمة الصلبة بس لازم يكون الطعام قليل في الدهون والسكرالمضاف وعالي بالبروتين و الألياف الأشهر التسعة المقبلة.

Share.

Comments are closed.