اشترك
Buy Neuth France products

العلاقة بين السمنة والتقدم في العمر

0

كتير من الناس بيعتقدوا إن الزيادة في الوزن أكيدة مع التقدم في العمر، إعرف الحقيقة عن علاقة السمنة بالسن في الموضوع ده.

إيه هو السن اللي بيقل فيه معدل الحرق ؟

من سن العشرين بيقل معدل الحرق بحوالي 150 سعر حراري في اليوم، وده سببه إن الجسم بيتغير في تكوينه. قبل العشرين كان بيبني عضلات، لكن بعد العشرين بيبني دهون لو نشاطك قل

هل مفروض يقل كم الطعام مع الكبر في السن ؟

في أي عمر، بيعتمد كم الطعام اللي بتحصل عليه بنشاطك البدني وحتى بعد سن الخمسين لو نشاطك متوسط بتحتاج 1800 سعرللسيدات و 2200 سعر للرجال،وده معناه إنك لازم تحافظ على نشاطك مع التقدم في العمر حتى لو بتحصل على نفس الكم من الطعام، عشان تحافظ على جسمك وتحميه من فقدان الخلايا العضلية المعروف بال”ساركوبينيا” وده مش مرض لكنه بيحصل نتيجة سوء التغذية، التغيرات الهرمونية وقلة النشاط

هل زيادة الوزن عند المراة مرتبطة بسن اليأس ؟

دي معلومة مش صحيحة، زيادة الوزن بتحصل بعد سن الخمسين ( سن إنقطاع الدورة الشهرية عند السيدات ) عند الرجال والسيدات وده نتيجة قلة الحرق وحلها ممارسة بعض التمارين الرياضية البسيطة

هل حاسة التذوق بتقل مع كبر السن ؟

ده صحيح، عشان كده بيفضل تقديم أطعمة ليها نكهة واضحة وقوية لكبار السن

وكقاعدة عامة لكل الأعمار، صحتك ووزنك المثالي بيعتمدوا على أربع حاجات :

  • الأكل الصحي : البعيد عن الملح والسكر الكتير
  • ممارسة التمارين : اللي لازم تعتبرها دواء يومي مهم لصحتك مش شيء إضافي لحياتك
  • الحصول على القدر الكافي من النوم : اللي بيحميك من أمراض القلب و الأكتئاب
  • التعامل مع الضغوط : بطريقة هادئة ومحاولة العثور على النقط الإيجابية

Share.

Comments are closed.