اشترك
like Sofy on Facebook

العلاقة الجنسية بعد الولادة

0

بعد الحمل والولادة بتكون المرأة مرت بتغييرات كتير بسبب الام ومتاعب الحمل والولادة وبسبب فقدان جسمها لكتير من المعادن
والفيتامينات والكالسيوم في فترة الحمل وبسبب مرحلة اكتئاب مابعد الولادة وكمان بسبب صعوبة التوفيق بين كل المسئوليات اللي عليها وخصوصا في حالة وجود اطفال تانيين غير الطفل اللي لسة مولود، ده كله غير طبعا زحمة الناس اللي جاية تبارك علي المولود الجديد. كل ده اكيد بيحط المرأة تحت ضغوطات كتيرة نفسيا  وجسديا بعد الولادة بتخليها مش جاهزة للعلاقة بينها وبين زوجها مباشرة بعد الولادة.

  • ايه سبب ضعف الرغبة الجنسية عند المرأة بعد الولادة:
    -ان المرأة بعد الولادة بتكون مرت بتغييرات كتير بسبب الارهاق النفسي والجسماني
    -النزيف بيستمر بعد الولادة من اسبوع ل6 اسابيع والمهبل بيحتاج بعض الوقت علشان يتعافي ويرجع لوضعه الطبيعي وفي الفترة دي
    المهبل بيكون حساس جدا لاي التهابات
    -بالنسبة للنساء اللي تعرضو لشق جراحي في المهبل اثناء الولادة لتوسيع المهبل فيجب انهم يستشيرو الطبيب قبل الرجوع للعلاقة بعد
    الولادة.
    -بسبب التغييرات الهرمونية بعد الولادة منطقة المهبل بتكون حساسة خاصة لو كانت الام بترضع طبيعي.

  • ايه هو الوقت الامثل للرجوع لممارسة العلاقة بعد الولادة:
    يفضل عدم الرجوع للعلاقة بعد الولادة غير بعد استشارة طبيب امراض النساء للاطمئنان ان حالة المرأة مستقرة وتسمح بممارسة العلاقة
    بدون مشاكل صحية.

 

  • هل بيقل استمتاع المرأة بالعلاقة بعد الولادة:
    بيقل استمتاع المرأة بسبب حساسية المهبل فمش بتشعر بمتعة عند ملامسة القضيب غير ان عضلات الحوض بتحتاج وقت علشان ترجع لطبيعتها ومن الممكن ان المرأة تقوم ببعض التمرينات لتقوية عضلات الحوض(يفضل الرجوع للطبيب قبل ممارسة التمرينات للاطمئنان علي ان الحالة تسمح بأداء التمرينات وتلافي اي مضاعفات)
  • بعض النصائح للزوجين بخصوص العلاقة بعد الولادة:
    -التكيف مع اوضاع الجماع بعد الولادة علي حسب استعداد المرأة.
    -عدم الخوف من ملامسة ثدي المرأة بسبب افراز اللبن
    -استخدام جيل معالج لجفاف المهبل.
    -مشاركة الزوج لزوجته في الاعمال المنزلية بتساعدها في انها تتعافي صحيا وتكون جاهزة للعلاقة بشكل اسرع.
    -لما يبدأ الطفل يكبر شوية من الممكن تركه لمدة ساعات قليلة في بيت احد الجدات او الاقرباء من اجل الاستمتاع بالعلاقة بشكل طبيعي.
    -يجب ان المرأة تختار وضعية مريحة ليها اثناء العلاقة لا تشكل ضغطا عليها
    -لازم المرأة تهتم بإنها تتبع نظام غذائي صحي بعد الولادة لان ده هيساعدها انها تتعافي صحيا اسرع.

Share.

Comments are closed.