اشترك
like Sofy on Facebook

العادة السرية عند الشباب

0

ممارسة العادة السرية للاسف بقت منتشرة بين كتير من الشباب وبيقبلو علي ممارستها من غير مايعرفو اضرارها واثارها الجانبية عليهم من الناحية الصحية والنفسية,والعادة دي منتشرة اكتر بين الشباب عن البنات لان معروف ان الشباب ميلهم للشهوة اكترمن البنات ,وكتير من الشباب اللي بيمارسوها مش بيكونو عارفين ازاي يتخلصو منها ولا بيكونو عارفين ازاي يعالجو نفسهم من الاضرار اللي العادة دي بتسببها ليهم.لو عايزين تعرفو ايه اللي بيخلي الشباب يلجأو لممارسة العادة السرية وازاي يتخلصو منها ويتعالجو من اثارها تابعو معانا المقالة دي.

ايه هي العادة السرية عند الشباب:
هي ان الشاب يحاول انه يوصل للنشوة الجنسية من غير احتياج للجنس الاخر من خلال فرك اعضائه التناسلية.

ايه اسباب لجوء الشباب لممارسة العادة السرية:
-مشاهدة الفيديوهات الاباحية علي مواقع الانترنت وشاشات التلفزيون.
-وقت الفراغ وصعوبة الحصول علي فرصة عمل مناسبة.
-الميل لتقليد اصدقاء السوء .
-اكل الوجبات الدسمة اللي بتهيج الشهوة الجنسية.
-بالنسبة للمتزوجبن:عدم الشعور بالاشباع في العلاقة مع الزوجة.

اضرار العادة السرية عند الشباب:
-بتسبب اجهاد للجسم والعضلات والاعصاب اكتر من العلاقة الجنسية مع الجنس الاخر.
-بتؤدي لانتفاخات والتهابات في القضيب.
-بتسبب سرعة القذف وضعف الانتصاب.
-احتقان البروستاتا.
-دوالي الخصية.
-اضرار نفسية زي الشعور بالذنب والاكتئاب.
-بالنسبة للمتزوجين:
-بتؤدي للعقم والضعف الجنسي.
-بتحرم الرجل من الشعور بالاشباع والسعادة من خلال العلاقة مع الزوجة.
ازاي تتخلص من ادمان العادة السرية:
-ابعد عن الوجبات الدسمة اللي بتهيج الشهوة الجنسية خصوصا بالليل قبل النوم.
-ابعد عن مشاهدة الفيديوهات الاباحية وعن الاصدقاء والمعارف اللي بيشجعوك علي العادة دي.
-ممارسة الرياضة بتساعد في تخفيف حدة الشهوة وبتساعد في التخلص من العادة دي بالاضافة لاي نشاط حركي.
-بلاش تقعد لوحدك وقت طويل واشغل نفسك بالكلام مع الناس او بأي حاجة مفيدة وحاول تخلص حمامك بسرعة.
-ماتدخلش تنام غير لو حسيت انك هتروح في النوم بسرعة وخد دوش مية سخنة قبل النوم ويفضل وجود شريك معاك في الاوضة قبل
النوم.
-للمتزوجين:لو مش بتحس بإشباع من خلال العلاقة مع الزوجة حاول انك تكسر روتين العلاقة معاها بتجربة حاجات جديدة بمشاركتها
لان ده هيخليك تحس بالاشباع معاها وتستغني عن العادة السرية.
-لو حسيت ان العادة دي مسيطرة عليك بزيادة استشير طبيب نفسي في حالتك لان كل مابدأت في التخلص منها اسرع كل ماكان افضل.
تعملي ايه لو لاحظتي ان ابنك بيمارس العادة السرية:
بلاش تواجيه بشدة لان ابنك سواء كان طفل او مراهق ففي الحالتين هو ميال للعناد وده طبعا بيسبب نتايج عكسية لكن اعملي الحاجات دي:
-شجعيه علي ممارسة الرياضة والانشطة الحركية لانها بتبعده عن التفكير في العادة السرية.
-قللي من الوجبات الدسمة لانها بتثير عنده الشهوة الجنسية.
-راقبيه بحكمة وهو قاعد علي النت او قدام التلفزيون وشوفي نوعية الحاجات اللي بيتفرج عليها والالعاب اللي بيلعبها.
-اعرفي اصحابه كويس لانهم ممكن يكونو بيشجعوه علي العادة دي او مسبباتها.
-اطلبي منه انه يساعدك في امور البيت لان ده بيشغل وقته وفكره وبيتعب جسمه في حاجة بعيدة عن العادة السرية.
-لو حسيتي انه مش ميال انه ينام بلاش تجبريه علي النوم لانه ممكن يسرح ويفكر في ممارسة العادة دي قبل النوم.
-شجعيه واهتمي بمكافأته لو لاحظتي عنده تغيير للاحسن لان ده بيدعمه نفسيا وبيخفف من شعوره بالذنب.

Share.

Comments are closed.