اشترك
Buy Neuth France products

فى بيتنا طفل معاق

0

الاعاقة ليها انواع واشكال مختلفة وكل اعاقة ليها ظروفها واسبابها ووسايل التعامل معاها وفي اعاقات بيكون ليها طرق علاج وفي اعاقات صاحبها بيضطر انه يتعايش معاها،وكتير من الاسر اللي بيكون عندهم في البيت شخص معاق مش بيكونو عارفين ازاي يتعاملو معاه ولا ازاي يساعدوه علي العلاج المناسب.لو عايزين تعرفو ايه هي اسباب الاعاقات وطرق علاجها ووسايل التعايش معاها تابعو معانا المقالة دي.

  • تعريف الاعاقة:
    هي عبارة عن قصور معين عند الشخص المعاق ممكن يكون جسماني وممكن يكون عقلي وغالبا بيأثر علي حياته وتحصيله الدراسي وحياته العملية والاجتماعية لكن في اشخاص بيقدرو انهم يتعايشو مع الاعاقة بتاعتهم علي حسب قدرتهم وعلي حسب حجم الاعاقة .

 

  • انواع الاعاقات:
    -اعاقات جسدية
    -اعاقات عقلية.
    -اعاقات خاصة بالحواس.

  • الاعاقات الجسدية:
    تشمل الوهن العضلي ومشاكل النمو(زي القزمية) وتشوهات العمود الفقري والعيوب الخلقية في القلب والشلل الدماغي وشلل الاطفال والولادة بدون احد الاطراف ووجود مشاكل في الحركة.
  • اعاقات عقلية:
    تشمل الاعاقات الخاصة بالنطق واللعثمة في الكلام وصعوبة القراءة وصعوبة التفاعل مع الاخرين(زي مرض التوحد) وضمور المخ وبطء الادراك العقلي(يعني مستوي الفهم عنده اقل من اللي في سنه).
  • اعاقات خاصة بالحواس:
    تشمل فقد البصر اوضعف البصر والصمم (عدم القدرة علي السمع) والبكم(عدم القدرة علي الكلام) وممكن الشخص المولود بعدم القدرة علي السمع تكون مصحوبة بعدم القدرة علي الكلام.
  • اسباب الاعاقة:
    اسباب من قبل الولادة:
    بتشمل خلل في الجينات(وجود اسباب وراثية عند احد الوالدين او عندهم هما الاتنين) او الامراض اللي بتصيب الام اثناء الحمل او                تعرضها  للتلوث والاشعاعات او تناولها عقاقير طبية غير امنة للجنين او مرورها بحالة نفسية سيئة او تعرضها لضغوطات نفسية اثناء  الحمل او سوء التغذية عند الام الحامل او تناولها طعام ملوث.-اسباب اثناء عملية الولادة:
    تشمل نقص الاكسجين والضغط علي دماغ الطفل اثناء عملية الولادة.

          -اسباب بعد الولادة:
تشمل الاهمال في تطعيم الطفل او سوء التغذية او الاهمال وسوء المعاملة او تعرض الشخص المعاق لكسور او كدمات شديدة او الاصابة               بأمراض خطيرة او تناول عقاقير طبية غير امنة او ارتفاع درجة الحرارة.

  • كيفية علاج الاعاقة:
    في انواع من الاعاقات بتحتاج تدخل وعلاج سريع علشان المشكلة ماتكبرش مع الطفل لكن في انواع من الاعاقات بيضطر صاحبها انه يتعايش معاها.
    ازاي يتم علاج الاعاقة بنجاح:
    -الاكتشاف المبكر.
    -تدريب الطفل علي السلوك السوي في وقت مبكر.
    -تنمية مهارات الاخلاط بين الطفل وبين الاخرين علشان مايحسش بالعزلة.
    -المتابعة مع طبيب موثوق فيه.
    -بعض انواع الاعاقات الحركية ومشاكل العمود الفقري بتتعالج بالعلاج الطبيعي.

 

  • كيفية تجنب ولادة طفل معاق:
    -الكشف الطبي للزوجين قبل الزواج .
    -تجنب زواج الاقارب(خصوصا في العائلات اللي فيها امراض وراثية)
    -مراعاة وجود مدة كافية بين ولادة كل طفل والتاني (مش اقل من 12 شهر)
    -توعية الام بإن السن المناسب للانجاب بيكون بين 19 سنة و35 سنة.
    -الرعاية الصحية للام الحامل بداية من الشهور الاولي بالمتابعة مع طبيب موثوق فيه باستمرار بالتغذية السليمة وتجنب كل مايعرضها لاي خطر او حوادث او متاعب صحية او ضغط نفسي.
    -يجب ان الام الحامل تبعد تماما عن التدخين والكحوليات ومتتناولش اي عقاقير طبية غير بعد استشارة الطبيب.
    -لازم الاطمنئنان علي ان المستشفي اللي هتتم فيها عملية الولادة متوفرة فيها كل الخدمات والرعاية الطبية الجيدة.
  • كيفية تعمل الاسرة مع الشخص المعاق:
    لو عندك شخص معاق في البيت وحاسس انك مش عارف تتعامل معاه ازاي وتساعده انه يتخطي الاعاقة اتبع النصايح دي:
    -التواصل الجسدي مع الشخص المعاق بيحسسه بالاحتواء.
    -بلاش تحسسه انه اقل من غيره لان ده بيسئ لنفسيته وبيصعب عملية العلاج.
    -حاول تخليه يعتمد علي نفسه في الامور اللي يقدر يعملها وتجنب التدليل الزيادة علشان بقية الاخوة مايغيروش منه وعلشان يحس انه انسان سوي ويقدر يتفاعل مع اللي حواليه
    -اشركه في اللعب والاختلاط مع الاخرين علشان يقدر يندمج في المجتمع بتاعه ومايحسش بالعزلة بس يفضل ان الاختلاط ده يكون تحت اشراف الوالدين علشان يطمئنو انه بيتعامل مع الاخرين بأمان
    -بلاش تتكلم مع الاخرين عن حالته قدامه لان ده بيجرحه
    -حسسه دايما انه مش حالة شاذة وان في كتير غيره بيقدرو يتعالجو ويتعايشو مع واقعهم ويختلطو مع الناس ويشتغلو ويتجوزو ويخلفو ويعيشو حياة طبيعية.

Share.

Comments are closed.