اشترك
like Sofy on Facebook

الصمت … ليه بقى ظاهرة في معظم البيوت!!

0

في الفترة الأخيرة بقى في ظاهرة موجودة في معظم البيوت وهي الصمت !!

وده زاد أكتر مع التطور التكنولوجي وظهور الأنترنت ،اللي بقى حاجة أساسية في كل بيت وبقى كل فرد في الأسرة – الأب والأم والأطفال – بيكون قاعد ماسك الموبايل بيخلص شغل أو على الفيسبوك أو اليوتيوب أو أي موقع من مواقع التواصل الإجتماعي .

وبالرغم من إن الانترنت بيقرب بين الأشخاص البعيدة عن بعض ،إلا إنه سبب مشكلة كبيرة في إنه يبعد بين أفراد الأسرة اللي جوا بيت واحد ؛ وأكتر شخص بيتضر بسبب البعد ده هما الأطفال !!

إنشغال كل واحد في البيت بموبايل أو تاب مبيخليش أفراد الأسرة يتكلموا مع بعض ،لأن كل شخص معزول جوه عالم السوشيال ميديا عن الأشخاص اللي حواليه حتى لو قاعد وسطهم .

والصمت ده بيسبب مشاكل كتير جوة الأسرة لأن مفيش تواصل ولا تفاهم ولا حياه جوه البيت .

والأطفال بسبب الجو الأسري الغير الصحي بيصابوا بأمراض نفسية وتكون شخصيتهم مش سوية وبالتالي بيأثرعلى مستقبلهم لما يكبروا .

لو المشكلة دي موجودة في بيتك وحاسس إن ولادك أبتدوا يتأثروا بالظاهرة دي .. ممكن تبتدي تعالجها من دلوقتي وترجع الجو الأسري الصحي المناسب لولادك .

في البداية لازم نحدد أساسيات الجو الأسري الصحي المناسب للطفل :

– الأب والأم لازم يكونوا متاحين عاطفيا لأولادهم في أي وقت

– نحط حدود وتوجيهات محددة وواضحة لأولادنا

– نعلمهم المسؤولية

– التغذية المتوازنة والنوم الكافي

– الحركة واللعب في الأماكن المفتوحة

– اللعب الإبداعي ، التفاعل الاجتماعي ، نتيح ليهم فرص الإبداع للأوقات الغيرالمنظمة والمملة

في طرق كتير تساعد على تكوين بيئة صحية وتربية صح تبني شخصية الطفل من ضمنها :

– حط حدود وفهمهم ايه الصح وإيه الغط بطريقة واضحة ،وافتكر أنك ولي أمر طفلك مش صديقهم بس .

– نقدم لأطفالنا نمط حياة متوازن مليان باللي يحتاجه الطفل ، مش اللي الطفل عاوزه بس . متقلقش إنك تقول “لا” لطفلك لوكان اللي عايزه مش مناسب ،لكن فهمه ببساطة من غيرعصبية .

– نهتم بتغذيتهم بأكل صحي ونقلل من الوجبات الخفيفة .

– نحاول نقضي ساعة واحدة في اليوم في المساحات الخضراء أو أي مكان مفتوح يقدروا يجروا ويلعبوا فيه .

. تمتع بعشاء عائلي يومي بدون استخدام التكنولوجيا –

– خلي طفلك يشاركك في حاجة في شغل البيت زي إنه يعلق الهدوم أو يحضر الترابيزة للأكل ،أو يرتب لعبه.

تنفيذ روتين دائم للنوم لضمان حصول طفلك على نوم كافي في غرفة نوم خالية من التكنولوجيا . –

– تعليم المسؤولية والاستقلال ؛ متبالغش في حماية أطفالك من حالات الفشل الصغيرة ،لأن ده بيدربهم على المهارات اللازمة للتغلب على تحديات الحياة الأكبر .

– علم ولادك إزاي يستغلوا أوقات فراغهم بأفكار ولعب جديدة هما اللي يختاروها لأن وقت الفراغ أو الملل هو أكتر وقت بيصحي فيه الطفل الجزء المبدع عنده ،يعني بلاش إحنا كأباء وأمهات في وقت فراغ  أطفالنا نفكرلهم في طرق ترفيهية أو نستخدم التكنولوجيا كعلاج  للحظات الملل ،لكن استخدم اللحظات دي كفرص لتدريب أدمغتهم عشان تشتغل وقت الملل .

– تجنب استخدام التكنولوجيا أثناء الوجبات ، في السيارات ، المطاعم ، مراكز التسوق.

– حاول تقفل موبايلك في الوقت الصغير اللي هتقضيه مع ولادك علشان متكونش مشتت .

– كن متاح عاطفياً للتواصل مع طفلك ،علشان تتعرف أكترعلى مشاعره سواء إيجابية أو سلبية وتدربه إنه يعبرعنها وإزاي يتعامل معاها .

– علمه إزاي يتفاعل إجتماعيا مع اللي حواليه زي التحية ، والمشاركة ، والتعاطف ، وآداب المائدة ، وإزاي يتكلم بطريقة مهذبة .

– نهتم بالاتصال العاطفي مع ولادنا – ابتسامة ، حضن، أو تقبيل ، أو دغدغة ، أو قراءة ، أو الرقص ، أو القفز ، أو الزحف مع طفلك .

انشرها

التعليقات مغلقه