اشترك
like Sofy on Facebook

الشتا دخل .. احمى نفسك من الامراض

0

فترة الشتا معروفة بأمراضها الكتير بسبب برودة الجو وتقلباته واللي اكيد بتأثر علي الجهاز المناعي واكتر الناس عرضة للاصابة بأمراض الشتا هم الحوامل والاطفال وكبار السن واللي بيعانو من مشاكل في جهاز المناعة والناس اللي طبيعة شغلهم وحياتهم اليومية بتخليهم يقضو وقت طويل في الشوارع. واحنا من خلال المقالة دي هنعرفكم ايه هي اهم امراض الشتا واكترها انتشار وايه هي اسبابها ومضاعفاتها وعلاجها.

اهم امراض الشتا:
الانفلوانزا الموسمية 

  • اعراضها:
    -التهاب في الحلق والام في العظام وارتفاع في درجة الحرارة بيكون مصحوب في كتير من الحالات بشعور بالارهاق وعدم القدرة علي
    بذل اي مجهود.
    -الطبيعي ان دور البرد يستمر حوالي اسبوع لكن لو زاد عن كده ممكن يؤدي لالتهابات في الجهاز التنفسي
  • علاجها:
    -الراحة في المنزل لحد الدور ماينتهي والنوم عدد ساعات كافية
    -شرب كميات كافية من السوائل الدافئة خصوصا الشوربة
    -الاهتمام بالنظافة الشخصية
    -اخد المضادات الحيوية المناسبة
    -عدم التعرض لتيارات هواء متقلبة بدون تمهيد
    -التهوية الجيدة علشان تتفادي انتشار العدوي

 

  • مرض الغدة النكافية:
    وده عبارة عن التهاب في الغدة النكافية(اللي بتقع اسفل الاذنين) وفترة حضانته بتستمر حتي 3 اسابيع
    طرق الاصابة بيه:
    -الرذاذ المتطاير من الشخص المصاب او الاتصال المباشر بيه
    اعراضه:
    -ارتفاع في درجة الحرارة
    -الام وتضخم في المنطقة اسفل الاذن
    مضاعفاته:
    لو ماتمش علاجه بسرعة ممكن الالتهاب ينتشر في مناطق مختلفة من الجسم وممكن في بعض الحالات(حوالي حالة من كل 5 حالات عند المصابين) يؤدي الي التهاب الخصيتين عند الذكور ومن الممكن انه تحصل اصابة بالعقم عند الاطفال من الذكور،بالنسبة للاناث
    ممكن يسبب التهاب في المبيضين لكنه لايؤثر علي خصوبة المرأة انما ممكن يؤدي للإجهاض اذا اصيبت المرأة بيه وهي حامل.
    علاجه:
    -استخدام مخفضات للحرارة ومسكنات ويفضل ان المريض يرتاح في البيت لحد مايشفي ومن الافضل انه يتواجد في حجرة منفصلة عشان ميعديش غيره ولازم المكان اللي المريض متواجد فيه يكون فيه تهوية جيدة جدا علشان الفيروس مينتشرش.
    كيفية الوقاية منه:
    -تطعيم الاطفال بيكون علي كذا جرعة :الاولي من سن سنة حتي سنة و3 اشهر والتانية من سن 3 سنوات لسن 5 سنوات

 

  • مرض الحساسية الصدرية:
    اسبابه:
    -التواجد في مكان غير نظيف وفيه اتربة
    -التعرض لتيارت هواء متقلبة
    -بينتشر اكتر في الزحام خصوصا بين اطفال المدارساعراضه:
    -صعوبة في التنفس
    -الكحة والسعال
    علاجه:
    الادوية الموسعة للشعب الهوائية ولازم استشارة الطبيب

 

  • الحمي :
    بتكون عبارة عن ارتفاع في درجة حرارة الجسم مصحوب بتشنجات واحيانا بمشاكل في التبول وتغير لون البول.
    علاجها:
    استخدام مخفضات الحرارة والمسكنات واذا ماتمش الشفاء خلال 3 ايام لازم اللجوء للطبيب.

 

  • مرض الجدري:
    هو مرض فيروسي سريع الانتشار خصوصا بين اطفال المدارس
    اعراضه:
    -ارتفاع في درجة الحرارة
    -الشعور بالصداع
    -طفح جلدي
    طرق انتشاره:
    عن طريق الاتصال المباشر مع الشخص المصاب وعن طريق السعال
    علاجه:
    -تناول مخفضات الحرارة
    -شرب السوائل بكثرة
    -لازم الشخص المصاب يرتاح في البيت علشان يشفي بسرعة وميعديش غيره

Share.

Comments are closed.