اشترك
Buy Neuth France products

السكر مستخبي في الأطعمة دي

0

عشان نحافظ على صحتنا ووزننا المثالي بنحاول نبعد عن السكر. بس في شوية أطعمة السكر مستخبي فيها، إعرفها معانا وحاول تقلل من تناولها.

الحد الأقصى لاستهلاك للسكر في اليوم هو حوالي 6 ملاعق للسيدات و 9 للرجال، وفي أكلات شبه يومية فيها نسبة مش قليلة من السكريات زي :

  • الصلصة المعلبة : عشان يحسنوا الطعم، كتير من الشركات بتضيف سكر لصلصة الطماطم. فحاول وأنت بتشتريها تقرأ المكونات بدقة
  • الزبادي المطعم : مع إنه غني بالبروتين والكالسيوم لكن الفواكه أو أي نكهة مضافة للزبادي بتكون مصدر للسكريات فحاول تتناول الزبادي بدون إضافات
  • الصوصات المضافة للسلطات : مليان سكريات عشان الطعم، فحاول تستبدلها بالخل والتوابل اللي بتساعد في فقدان الوزن
  • حبوب الإفطار : اللي بنقدمها دايما لولادنا زي “الكورن فليكس”، يفضل متكونش بتتقدم ليهم كل يوم
  • مشروبات الطاقة : وطبعا دي مليانة سكر عشان تمدك بالطاقة اللي محتاجها ، حاول تستخدمها بالتبادل مع المية
  • الفواكه المعلبة : وللتخلص من كم السكر الكبير اللي فيها، ممكن توضع في إناء فيه ميه قبل الإستخدام
  • سلطة الكولسلو : الموجودة بشكل أساسي في كل المطاعم
  • الفواكه المجففة : مع إنها غنية بالألياف ، لكن تركيز السكر فيها أعلى لعدم وجود أي سوائل فيها، فحاول تتناولها بحكمة

Share.

Comments are closed.