اشترك
like Sofy on Facebook

السر وراء فيتامين “د”

0

كتير من الناس بتفتكر إن فيتامين “د” هدفه الحفاظ على صحة العظام وبس لكن في أسرار كتير وراء فيتامين “د” ، اعرفها معانا لما تقرا الموضوع ده.

فيتامين “د” بنقدر نحصل عليه من تفاعل البشرة مع آشعة الشمس، بعض الأطعمة والمكملات الغذائية، وهو ليه أهمية كبيرة في الحفاظ على صحتك والوقاية من كتير من الأمراض.

من فوائد فيتامين “د” :

  1. بيساعد الجسم على امتصاص الكالسيوم من الطعام : وده بيساعد على بناء عظام قوية عند الأطفال وحمايتهم من الكساح. كمان مهم جدا للكبار لمنع الكسور وهشاشة العظام.
  2. بيحمي من مرض مناعي بيصيب الخلايا العصبية معروف بالتصلب المتعدد
  3. بيقي الجسم من الأصابة بالنوع الثاني من السكري
  4. بيساعد على فقدان الوزن لو كان جزء من نظامك الغذائي
  5. بيساعد في التقليل من أعراض الأكتئاب لأرتباطه بنمو وعمل خلايا المخ

إزاي نقدر نمد جسمنا بفيتامين “د” ؟

التعرض لآشعة الشمس بيخلي الجسم ينتج فيتامين “د” بس مينفعش تكتفي بكدة لازم تتناول أطعمة غنية بفيتامين “د” زي :

  1. الأسماك : السلمون والماكريل، التونا والسردين
  2. صفار البيض
  3. كبدة البقر
  4. اللبن
  5. حبوب الفطار

ولو لسة جسمك محتاج ممكن تستشير طبيبك وتتناول المكملات الغذائية اللي بتحتوي على فيتامين “د”.

إيه اللي ممكن يمنعك من الحصول على إحتياجك من فيتامين “د” ؟

  1. التقدم في العمر
  2. عدم التعرض للشمس
  3. السمنة
  4. الحساسية من الحليب أو اللاكتوز
  5. أمراض الكبد والجهاز الهضمي

خلي بالك :

  • الأطفال اللي بيرضعوا طبيعي بيحتاجوا لمكمل غذائي يحتوي على فيامين “د” لعدم توفره في لبن الأم، لكن بعد بلوغ السنة وشربهم اللبن الحيواني مش بيحتاجوا لأي مكملات غذائية.
  • كمان اعطاء الأطفال كميات كبيرة من فيتامين “د” بيسبب الدوخة، القيء، فقدان الشهية، العطش وآلام بالعضلات

كمان في ادوية بتقلل من امتصاص الجسم لفيتامين “د” :

  • المسهلات
  • المنشطات
  • الأدوية المضادة للكوليسترول

Share.

Comments are closed.