اشترك
Buy Neuth France products

السرقة عند الاطفال

0

لما الاب و الام بيعرفوا ان طفلهم سرق حاجة مش بتخصه بيحسوا انهم فى مشكلة كبيرة  و بتدور اسئلة كتير فى راسهم ابنى ليه عمل كدة ؟ اعاقبوا علشان ميكررهاش تانى ؟ اتعامل ازاى معاه ؟

ازاى اخليه ما يكررش الموقف ده تانى ؟ انا غلطت فى ايه علشان طفلى يتصرف بالشكل ده ؟

لكل اب و كل ام تابعوا معانا الموضوع ده علشان تعرفوا ايه اسباب السرقة عند الاطفال و ازاى تتعامل مع طفلك وقتها و ازاى من البداية تحمى طفلك من السلوك ده .

السرقة عند الاطفال :

 ابنك مش لص او سارق دى اول حاجة لازم تكون عارفها لو اتفاجئت بابنك بيتصرف بالشكل ده , لازم تعرف ان ابنك مريض او بيعانى من مشكلة سلوكية معينة هى اللى خلته يتصرف بالشكل ده و فى البداية اتعرف على اكتر اسباب السرقة عند الاطفال و ايه اللى بيدفعهم لكدة علشان تقدر تحدد الحل .

اسباب السرقة عند الاطفال :

 1. ممكن ان الطفل يكون جاهل اصلا بمعنى الملكية و مش مدرك انه غلط هو بس مش متعود على التمييز بين ممتلكاته و ممتلكات غيره .

2.الغيرة من زملائه و اصحابه فى المدرسة ممكن يكون دافع عند الطفل للسرقة و بالذات بسبب المقارنة المستمرة .

3.السرقة ممكن تكون تصرف انتقامى من اصحابه لو كانوا بيهينوه باستمرار او حتى من والديه لانهم بيعاملوه بطريقة قاسية و عنيفة و متعودين على اهانته .

4.احيانا بيسرق الطفل لتعويض بعض النقص و الاحتياج المادى لبعض الاشياء .

5.احيانا بتكون السرقة وسيلة للتخلص من العقاب زى مثلا لما الطفل بيكون مضيع لعبة او حاجة مهمة و خايف من المطالبة لها او المعاقبة فبيقوم يسرق علشان يتخلص من الموقف او يشترى بديل ليها

6.ممكن تكون نوع من تعويض الاحساس بالنقص بسبب ضعف معين فى الشخصية او احتياج لاثبات الذات .

7.ممكن يكون كنوع من التقليد للاصحاب او للاخ او لاى شخص فى البيئة المحيطة بالعائلة .

8.الكبت النفسى و الضغط على الطفل ممكن يكون هو السبب ان الطفل يقوم بالسرقة علشان يشعر بالراحة .

9.بعض المشكلات العقلية عند الاطفال ممكن يكون ليها علاقة باختلاف سلوك الطفل وارتباكه لبعض التصرفات من غير ادراك .

10.بعض اخطاء التربية و تعويد الاب و الام للطفل على ان كل رغبات الطفل مجابة وانه اهم من اى شخص و ياخد اى حاجة بمجرد ما يطلب فيخليه ياخد اى حاجة من غير ما يفكر اذا كان ده مسموح ولا مش مسموح .

  • حماية الطفل من السرقة :

 بيعتمد تجنب مشكلة السرقة فى البداية على طرق و اسلوب التربية اللى بيتبعها الاب و الام فى تربية طفلهم و ده بيكون من خلال :

  1. تعليم الطفل السلوكيات السليمة و غرس القيم الاخلاقية فى شخصية الطفل و تربيته على الاخلاق السليمة و تعليمه احترام مبدا الامانة .

2.تعليم الطفل احترام ملكيته و معرفة واجباته وازاى يافظ على ممتلكاته و يحميها وازاى يحترم ملكية غيره و ما يمدش يديه          على حاجة متخصوش من غير ما يسال صاحبها .

  1. بناء علاقة قوية بين الاب و الام و اطفالهم بحيث انهم يتكلموا معاهم و يعرفوهم عن مشاكلهم و يحكلوهم عن اى مشكلة فى المدرسة او يطلبوا اى حاجة بيحتاجوها من غير احراج او تردد .

4.تقديم للطفل المصروف المناسب لسنه و لمستوى الاسرة و ظروفها علشان يشترى احتياجه و يتعلم ازاى يستغله .

5.الاب و الام هما المدرسة الاولى للطفل فلازم باستمرار يقدموا لطفلهم القدو المناسبة اللى هتساعدوا انه يكون شخص            متوازن فى المجتمع و ما يخلوش الطفل عضو فى اى مشكلة او يعرضوه للضغط النفسى لاى مشكلة .

6.اشباع حاجات الطفل المادية من اكل و شرب و اى احتياج ممكن يضطروا للسرقة و مهم جدا كمان اشباع الاحتياج النفسى        للطفل وتعليمه الثقة بالنفس و احترام شخصيته و مكانته حى لو كانت ظروفه اقل من زملائه .

7.متابعة تصرفات الطفل باستمرار و التعرف على اصحابه وعلشان يتجنبوا اى تاثير سلبى منهم و معرفة اى تاثير سلبى بيطرا فجاة على الطفل .

8.توعية الطفل و تعليمه بخطورة السرقة و اهمية البعد عنها و تجنبها .

9.تجنب معايرة الطفل امام اى شخص باى عيب فيه او اى مشكلة في سلوكه قدام اى شخص انما الافضل الكلام مع الطفل           و توعيته لاى خطا يرتكبه  .

.معالجة مشكلة الطفل عند اكتشافها فى الطفل :

  .تجنب العصبية و التصرف بهدوء فى البداية علشان يلاقوا الحل و العلاج المناسب و التعامل معاها على انها حالة خاصة و                 مرض لازم يلاقوا ليها علاج .

.لابد من اعادة ما سرقه الطفل لاصحابه و تقديم الاعتذار المناسب فى البداية .

.التكلم مع الطفل و توعيته بالخطا اللى قام بيه و البداية فى تحديد المشكلة و معرفة السبب وراء تصرف زى ده و ايه الدافع        ليه علشان يسرق و حل المشكلة على الاساس ده   .

.الذهاب لاخصائى اجتماعى او دكتور نفسى وعرض الطفل عليه و استشارته فى تصرفات الطفل لو لزم الامر .

.متابعة سلوكيات الطفل علشان يحددوا حالة الطفل بتتحسن ولا بتسوء وتحديد اذا كانوا هيحتاجوا تغيير فى اسلوب العلاج .

 

 

 

 

 

 

Share.

Comments are closed.